جاڭالىقتار
Bەەline, Tele2 جانە Kcell-ءدى قاۋىپسىزدىك سەرتيفيكاتى ءۇشىن سوتقا بەردى
زاڭگەرلەر Bەەline, Tele2/Altel جانە Kcell وپەراتورلارىن سوتقا بەرمەك, دەپ حابارلايدى Stan.kz اقپارات اگەنتتىگى Tengrinews.kz سايتىنا سىلتەمە جاساپ.
ولار قازاقستاندىق ءتورت وپەراتورلارىنان قاۋىپسىزدىك سەرتيفيكاتىن ورناتۋ تۋرالى دامىلسىز كەلگەن SMS-تەن كەيىن وسىنداي شەشىمگە كەلىپتى.
«ءبىز وسى ماسەلەنى انىقتاۋ ءۇشىن سوتقا جۇگىنۋگە شەشتىك. قاۋىپسىزدىك سەرتيفيكاتىن ورناتپاعانىمىز ءۇشىن ينتەرنەتتى اجىراتۋىنا تىيىم سالامىز», – دەيدى زاڭگەر ستانيسلاۆ لوپاتين.
ونىڭ ايتۋىنشا, سوت نۇر-سۇلتان, الماتى, قاراعاندى قالالارىندا وتەدى. سونداي-اق, «قازاقتەلەكومنان» سەرتيفيكات تۋرالى حابارلاما تۇسپەگەندىكتەن ونى سوتقا بەرمەيتىنىن جەتكىزدى.
Altel جانە Tele2 PR كومپانياسىنىڭ ديرەكتورى ولجاس بيبانوۆ زاڭگەردىڭ بۇل ءىس-ارەكەتىنە قاتىستى جاۋاپ بەردى. ول بۇل سۇراق بوينىشا, ەشكىمنەن شاعىم تۇسپەگەنىن ايتتى.
«ولار تىكەلەي بىزگە بايلانىسقا شىقپادى, بىردەن سوتقا جۇگىنگەن. مۇنداي شاعىم پوپۋليستىك سيپاتقا كەلەدى. زاڭگەرلەر ءوزىن كوپشىلىككە تانىتۋ ماقساتىندا وسىنداي نارسەلەردى قولداناتىن سياقتى», – دەيدى بيبانوۆ.
موبيلدىك وپەراتورلاردىڭ جەتەكشىسى قاۋىپسىزدىك سەرتيفيكاتىن ورناتۋدى ابونەنتتەرگە حابارلاۋ, مەملەكەتتىك ورگاندارعا تيەسىلى ەكەنىن اتاپ ءوتتى. ول بۇل ماسەلەنى زاڭگەرمەن سوتتا شەشەتىندەرىن مالىمدەدى.
«وسى ارقىلى تانىلۋعا ۇمتىلعان ەكەن, وندا حايپ جاساي الادى», – دەيدى بيبانوۆ.
