بەينەۋدە گاز جارىلىپ, ءبىر ادام كوز جۇمدى

ماڭعىستاۋ وبلىسىندا جەر ۇيدە گازبەن جىلىتۋ قازاندىعى جارىلىپ, ءبىر ادام قازا تاپتى.

وقىس وقيعا بۇگىن تاڭعى ساعات 4 شاماسىندا بەينەۋ اۋىلىندا بولدى. كۇشتى جارىلىستان بەس بولمەلى ءۇيدىڭ كۇل-تالقانى شىققان. قۇتقارۋشىلار 42 جاستاعى ايەلدىڭ ءمايىتىن ءۇيىندى استىنان تاپتى.

ءۇي يەلەرى قولدان جاسالعان گاز پەشىن قولدانعانى انىقتالدى. بۇعان دەيىن جىلىتۋ قازاندىعىن تەكسەرگەن ماماندار ەسكەرتۋ دە جاساعان.

قايعىلى وقيعاعا ناقتى نە سەبەپ بولعانى تەكسەرىس قورىتىندىسىنان سوڭ جاريالانادى, — دەيدى توتەنشە جاعداي قىزمەتكەرلەرى. اقان نۇرداۋلەت, وبلىستىق تجد اسا ماڭىزدى ىستەر جونىندەگى اعا انىقتاۋشىسى: — قر قىلمىستىق كودەكسىنىڭ 292-بابىنىڭ 2-بولىگى بويىنشا قىلمىستىق ءىس قوزعالدى.

اتالعان دەرەك نەگىزىندە ءتيىستى سوت-ساراپتامالارى تاعايىندالۋدا. بولجامدى ويىمىز بويىنشا, تابيعي گازدىڭ اعۋى ناتيجەسىندە گازدى-اۋا قوسپاسى جارىلدى دەگەن سەبەپ بار.

پروفيلاكتيكالىق جادىنامالار ۇنەمى تاراتىلادى. وسى جىلىتۋ باستالار ۋاقىتتا دا بارلىق ۇيگە جەكە-جەكە كىرىپ, ءتۇسىندىرۋ جۇمىستارى جۇرگىزىلدى.