BEINEÝDE GAZ JARYLYP, BIR ADAM KО́Z JUMDY

Mańǵystaý oblysynda jer úıde gazben jylytý qazandyǵy jarylyp, bir adam qaza tapty.

Oqys oqıǵa búgin tańǵy saǵat 4 shamasynda Beıneý aýylynda boldy. Kúshti jarylystan bes bólmeli úıdiń kúl-talqany shyqqan. Qutqarýshylar 42 jastaǵy áıeldiń máıitin úıindi astynan tapty.

Úı ıeleri qoldan jasalǵan gaz peshin qoldanǵany anyqtaldy. Buǵan deıin jylytý qazandyǵyn teksergen mamandar eskertý de jasaǵan.

Qaıǵyly oqıǵaǵa naqty ne sebep bolǵany tekseris qorytyndysynan soń jarııalanady, — deıdi tótenshe jaǵdaı qyzmetkerleri. Aqan Nurdáýlet, oblystyq TJD asa mańyzdy ister jónindegi aǵa anyqtaýshysy: — QR qylmystyq Kodeksiniń 292-babynyń 2-bóligi boıynsha qylmystyq is qozǵaldy.

Atalǵan derek negizinde tıisti sot-saraptamalary taǵaıyndalýda. Boljamdy oıymyz boıynsha, tabıǵı gazdyń aǵýy nátıjesinde gazdy-aýa qospasy jaryldy degen sebep bar.

Profılaktıkalyq jadynamalar únemi taratylady. Osy jylytý bastalar ýaqytta da barlyq úıge jeke-jeke kirip, túsindirý jumystary júrgizildi.