بەلگىلى ايتىسكەردىڭ ۇلى حالىققا ۇندەۋ جاسادى

فوتو: Turkystan.kz

ايتىسكەر اقىن, مارقۇم ورازالى دوسبوسىنوۆتىڭ ۇلى نۇرسۇلتان الەۋمەتتىك جەلىدە جازبا جاريالاپ, كوپشىلىككە ءوتىنىش ايتتى, دەپ حابارلايدى qandastar.kz

«مەن – ورازالى دوسبوسىنوۆ پەن اجار تۇزەلبەكقىزىنىڭ ۇلى نۇرسۇلتان دوسپوسىنوۆپىن. ەندى شىعارماشىلىق جولىمدى NRS دەگەن اتپەن جالعاستىرىپ,  حالىقتىڭ الدىندا جاڭا قىرىممەن شىعۋعا بەل بۋدىم.  ماعان سەنىپ, دەمەۋ كورسەتىپ, ءاردايىم جانىمنان تابىلىپ جۇرگەن بارشا جاندارعا شەكسىز العىسىمدى بىلدىرەمىن! سىزدەردىڭ قولداۋلارىڭىز – مەنىڭ العا ۇمىتىلۋىما, ارماندارىمدى جۇزەگە اسىرۋىما ۇلكەن شابىت بەرەدى. جاقىندا العاشقى اۆتورلىق تۋىندىم جارىق كورەدى. بۇل مەنىڭ جۇرەگىمنەن شىققان ەرەكشە دۇنيە, سوندىقتان ەڭى العاشقىلاردىڭ  ءبىرى بولىپ تىڭداعىڭىز كەلسە, مەنىڭ Instagram-داعى پاراقشاما تىركەلىپ قويىڭىز. قولداۋ ءبىلدىرىپ, بىرگە بولايىق.

راسىندا دا, مەن اكە-شەشەمدى قاتتى ساعىنامىن… وكىنىشكە وراي, ولاردى قانشا جەردەن ساعىنساق تا, بۇل ومىرگە قايتا ورالمايدى. بىراق سول كىسىلەردىڭ كوزىن كورگەن, بىرگە جۇرگەن دوستارى مەن سىرلاستارى, تانىستارى امان بولسىن دەپ تىلەيمىن. ەگەر وسى ۆيدەونى كورىپ وتىرعان جانداردىڭ اراسىندا, اتا-انامدى تانيتىن بولسا, ولارمەن ارالاسقان جاندار بولسا سىزدەرگە ءوتىنىشىم بار: مەنىڭ العا قويعان ماقساتتارىما جەتۋىمە تىلەۋلەس بولىڭىزدارشى! وسى ومىردە كىسىلەردىڭ ارتىندا قولعان امانات – مەنمىن», – دەدى نۇرسۇلتان دوسبوسىنوۆ.