جاڭالىقتار
بەلگىلى الەۋمەتتانۋشى سالافيلەر قانداي جىمىسقى ساياساتقا كوشكەنىن ايتتى
فوتو: Adal ADAM
بەلگىلى الەۋمەتتانۋشى سالافيلەر قانداي جىمىسقى ساياساتقا كوشكەنىن ايتتى, دەپ جازدى qandastar.kz
الەۋمەتتانۋشى تالعات جاقيانوۆ Adal ADAM youtube ارناسىنا بەرگەن سۇحباتىندا سالافيلەر زاڭدارعا يكەمدەلىپ ءومىر ءسۇرىپار وڭىردە ءسالافي جاماعاتتار ءىرى كاسىپكەرلەردىڭ اينالاسىنا توپتاسقانىن ايتتى.
«سالافيلەر ءوز-وزدەرىن قارجىلاندىرۋدان بولەك, وزدەرىنىڭ قىزمەتتەرىن لەگيتيمدەۋگە تىرىسىپ جاتىر. ياعني ولاردا زاڭدارعا يكەمدەلىپ ءومىر ءسۇرۋ, بيلىك, قۇقىق ينستيتۋتتارىنا اقىرىن بەيىمدەلۋ پروتسەسى ءجۇرىپ جاتىر. مۇنى كەيبىر ساراپشىلار ءپوزيتيۆتى جاعداي دەپ ايتۋى مۇمكىن.
شىن مانىندە بۇل ۋاقىتشا بەيىمدەلۋ. ياعني, بۇل داۋىل الدىنداعى تىنىشتىق دەپ ايتساق بولادى. قازىرگى ماقساتى — دەموگرافيالىق ءوسىمدى كۇتۋ. سانى كوبەيگەننەن كەيىن بۇلار ساياسي تۇرعىدان العاندا ۇلكەن قىسىمشى توپقا اينالادى دا, ەرتەڭگى كۇنى وزدەرىنە قاجەتتى نورمالاردى, زاڭنامالاردى, جالپى ساياسي تەتىكتەردى قالىپتاستىرۋعا كىرىسەتىن بولادى. بىلايشا ايتقاندا بولاشاقتا سايلامالى بيلىك ورگاندارىنا بارۋ, كونستيتۋتسيانى وزگەرتۋ سياقتى تالاپتاردى شىعاراتىن بولادى. قازىرگى كەزەڭدە ولاردىڭ ستراتەگياسى — تىپ-تىنىش قانا, قايشىلىق كەلتىرمەي بەيىمدەلىپ ءومىر ءسۇرۋ. بىراق تۇپكى ماقساتى جويىلعان جوق, تۇپكىلىكتى ماقسات – حاليفات قۇرۋ, يسلام تەوكراتيالىق مەملەكەتىن قۇرۋ. قازىر اۋعانستان سياقتى مەملەكەت مەملەكەت قۇرۋدى كوزدەيدى. سوندىقتان بۇل جەردەن ساراپشىلارعا كەرەمەتتەي ءبىر پوزيتيۆ كورۋدىڭ قاجەتى جوق, بۇل جەردە ستراتەگيالىق تۇرعىدان قاۋىپ-قاتەردىڭ بارىن ءبىلۋ كەرەك», — دەدى الەۋمەتتانۋشى.
