Belgili boksshy Ivan Dychko ońbaı aldanǵanyn aıtty

Foto:  KBF

Qazaqstandyq aýyr salmaqtaǵy boksshy Ivan Dychko kásibı mansabynda qansha tabys tapqanyn jáne bir kezderi 50 mıllıon teńgege aldanǵanyn aıtyp berdi, dep habarlaıdy qandastar.kz

«Ortasha tabysymdy naqty aıta almaımyn. Keı jekpe-jekterden múldem tabys tappadym, al keıbirinde 20 myń nemese 50 myń dollar tabysqa shyqtym. Birde maǵan 100 myń dollar (50 mıllıon teńgeden astam) jalaqy ýáde etken edi, biraq eshteńe almadym», – dedi Dychko Qanat Ismaılovtyń podkastynda.

Vesti.kz jazǵandaı, ol jekpe-jek uıymdastyrýshylarynan aldanǵanyn atap ótti.

«Bul meniń komandam emes, uıymdastyrýshy tarap edi. Jekpe-jek ótkizdim, biraq eshqandaı tólem almadym. Mundaı jaǵdaılar jıi kezdesedi. Ár jekpe-jektiń ózindik ereksheligi bar. Bastapqy bes jekpe-jek jaıly aıtsam, bir raýndqa 1000 dollardan az tabysqa kelispeý kerek dep oılaımyn. Bul, eń bolmaǵanda, jol shyǵyndaryn jabýǵa jetkilikti bolýy tıis», – dedi boksshy.