Berdenov Shymkenttegi memlekettik qyzmetin jalǵastyratyn boldy

Áleýmettik jelilerde Shymkent qalasy ákiminiń orynbasary Rýslan Berdenov qyzmetinen ketkeni týraly aqparat tarady. Alaıda ákimdiktiń baspasóz qyzmeti bul málimetti joqqa shyǵardy, dep habarlaıdy Qandastar.kz Skifnews.kz aqparat portalyna silteme jasap.

Vedomstvonyń málimetinshe, Berdenov resmı túrde óz qyzmetin atqaryp otyr jáne qazirgi ýaqytta em qabyldaýda ári eńbek demalysynda. Aıta keteıik, keshe ákimdikte birqatar kadrlyq ózgerister jarııalanyp, eki jańa ákim orynbasary taǵaıyndaldy.

Rýslan Berdenov 2025 jyldyń aqpan aıynan beri Shymkent ákiminiń orynbasary qyzmetin atqaryp keledi.