«Berik Ábdiǵalıulynan kóńilim qaldy» – Almasbek Sadyrbaı

Foto: ashyq derekkóz

«Shańyraq» ulttyq agro-qozǵalysy» RQB tóraǵasy Almasbek Sadyrbaı Adal ADAM youtube arnasyna bergen suhbatynda Ulytaý oblysynyń eks-ákimi Berik Ábdiǵalıuly týraly pikir bildirdi, dep jazady qandastar.kz

«Berik Ábdiǵalıuly Ulytaý oblysynyń aýyl sharýashylyǵyna serpilis beretin jańa joba jasaı alǵan joq. Jalpy ony qyzmetten bosatý týraly sheshim bostan-bosqa qabyldanǵan joq qoı. Prezıdent Ákimshiligi de saraptap otyr ǵoı. Men sarapshy retinde aýyl sharýashylyǵy boıynsha jumysyn kóre almadym. Men ol kisige senim artqandardyń biri edim. Alashtyń búgingi býyndaǵy betke ustar azamattarynyń biri edi. О́kinishke qaraı, Ulytaýdaǵy juttan keıin ol kisiden kóńilim qaldy. Negisi ol kisi sharýashylyq jaǵy emes, ıdeologııa jaǵynda, Parlament sııaqty jerde kórgen durys edi. Qazaǵym, elim degen júregi bar azamat. Biraq naqty sharýa adamy emes. Bálkim, aýyl sharýashylyǵy jaǵynan basqasyn qatyrǵan shyǵar, bilmedim», – dedi Almasbek Sadyrbaı.