Bes bólmeli páter men qymbat kólik: Smetovti týǵan ólkesi qalaı qarsy aldy?

Foto: instagram.com/olympickz

Parıjdegi XXXIII jazǵy Olımpıada oıyndarynyń chempıony, QR eńbek sińirgen sport sheberi Eldos Smetovti Jambyl jurtshylyǵy Tarazdyń shyǵys qaqpasynan sán-saltanatpen qarsy aldy, – dep habarlaıdy Massaget.kz tilshisi.

Eldos Smetov kólikten túsken boıda ónerpazdar ánderin áýeletip, aq jaýlyqty ájeler shashýyn shashyp, ulttyq dám usyndy.

Jambyl oblysy sport ardagerleri keńesiniń tóraǵasy Táýirbek Qaraýyltegi Olımpıada chempıonyna aq batasyn berdi.

Oblys ákimi Eldos Smetovke barsha jambyldyqtardyń atynan alǵys bildirdi.

Olımpıada chempıonyna bes bólmeli páter men Lexus LX 600, al bapkerine eki bólmeli páter men Hyundai Santa Fe kóliginiń kilti tartý etildi.

Eldos Smetovti qarsy alý rásimi Jabaev dańǵyly men Súleımenov kóshesi boıynsha kólikterdiń saltanatty sherýimen jalǵasty.

Jol boıyndaǵy jambyldyqtar chempıonǵa zor qurmet, ystyq yqylastaryn bildirdi.