جاڭالىقتار
«بەس جىل بويى زورلاپ كەلگەن»: اتىراۋ وبلىسىندا سۇمدىق جاعداي بولدى
فوتو: istockphoto
اتىراۋ وبلىسى ەركىنقالا اۋىلىندا 43 جاستاعى ەر ادام ءوزىنىڭ 12 جاستاعى وگەي قىزىن 2018 جىلدان بەرى جۇيەلى تۇردە ازعىندىق ارەكەتتەرگە ماجبۇرلەپ كەلگەن. بۇل تۋرالى qandastar.kz سايتى اتىراۋ وبلىسى پوليتسيا دەپارتامەنتىنە سىلتەمە جاساپ حابارلايدى.
بەس جىلعا سوزىلعان قورلىق
قىزدىڭ ايتۋىنشا, زورلىق-زومبىلىق اناسى پەرزەنتحاناعا كەتكەن ۋاقىتتا باستالعان. اناسى ۇيدە بولماعان كۇندەرى وگەي اكە ءتۇرلى قورقىتۋ, پسيحولوگيالىق قىسىم ارقىلى بالانى ءۇنسىز قالۋعا ماجبۇرلەگەن.
«ەشكىم سەنبەيدى, ايتساڭ اناڭ سەنى قۋىپ جىبەرەدى» دەگەن سوزدەر قىزدى ۇزاق ۋاقىت بويى ۇرەيدە ۇستاعان. تەك 17 جاسقا تولعاندا ول باسىنان وتكەن اۋىر جايتتى تۋىسىنىڭ بىرىنە ايتىپ, شىندىقتى اشۋعا باتىلى بارعان. قىلمىستىق ءىس قوزعالىپ, تەرگەۋ ءجۇرىپ جاتىر
پوليتسيا دەارتامەنتى نە دەيدى?
اتىراۋ وبلىستىق پوليتسيا دەپارتامەنتى بەرگەن مالىمەتكە سايكەس, قىلمىستىق كودەكستىڭ 124-بابى («كامەلەتكە تولماعانعا قاتىستى سەكسۋالدىق سيپاتتاعى ارەكەتتەر») بويىنشا ءىس قوزعالعان.
«اتىراۋ قالاسىنىڭ تۇرعىنى كامەلەتكە تولماعان قىزىنا قاتىستى جاسالعان ازعىن ارەكەتتەر تۋرالى شاعىم ءتۇسىردى. قاجەتتى تەرگەۋ امالدارى جۇرگىزىلىپ جاتىر. تەرگەۋ مۇددەسىنە بايلانىستى باسقا اقپارات جاريالانبايدى», – دەدى پوليتسيا دەپارتامەنتى وكىلدەرى.
