Jańalyqtar
Bılikte «otbasylyq júıe» joq – Toqaev
Foto: t.me/aqorda_resmi
Memleket basshysy Qasym-Jomart Toqaev «Bilim keleshegi: adal azamat, kásibı maman» taqyrybynda ótken ustazdardyń respýblıkalyq tamyz konferenııasynda baıandama jasady. Ol memlekettik qyzmette merıtokratııa qaǵıdaty basty orynǵa shyqqanyn atap ótti, dep jazdy qandastar.kz
Bul týraly Stan.kz aqparat agenttigi habarlaıdy.
Prezıdent ustazdarǵa arnalǵan jıynda naqty reformalar qolǵa alynǵanyn, qyzmetke taǵaıyndaý kezinde el azamattarynyń bilimi men kásibı biligi eskeriletinin aıtty.
«Biz bir el, bir halyq bolyp, Ádiletti, Taza ári Qýatty Qazaqstandy quryp jatyrmyz. Ulttyń jańa sapasyn qalyptastyrý úshin naqty reformalardy qolǵa aldyq. Bul – aýqymdy ári kúrdeli jumys. Búginge deıin biraz sharýa atqaryldy. Eldegi saıası júıe tolyq jańǵyrdy. Ulttyq ekonomıkanyń jańa baǵdary aıqyndaldy. Qoǵamymyz damyp, azamattardyń sana-sezimi ózgerýde.
Memlekettik qyzmette merıtokratııa qaǵıdaty basty orynǵa shyqty. Bılikte de «otbasylyq júıe» joq. Azamattardy qyzmetke taǵaıyndaý kezinde eń aldymen olardyń bilimi men kásibı biligi eskeriledi», – dedi ol.
Sondaı-aq memleket basshysy Qazaqstan jańa sıpatty el bolý jolyna bet burǵanyn, bul rette ustazdarǵa zor jaýapkershilik artylyp otyrǵanyn bas aıtty.
«Qazir elimizde rýhy azat, oıy erkin urpaq ósip keledi. Zańdy syılaý, tártipke baǵyný qoǵamnyń myzǵymas qaǵıdasyna aınala bastady. Bir sózben aıtqanda, Qazaqstan jańa sıpatty el bolý jolyna bet burdy. Biraq ózgeristerdi jasaý – bir bólek bolsa, ony birjola ornyqtyrý – bir basqa másele. Ol úshin, eń aldymen, qoǵam sanasy túbegeıli jańǵyrýy qajet. Osy rette sizderge, ıaǵnı ustazdar qaýymyna zor jaýapkershilik júkteledi. Sebebi, naǵyz «Adal azamat» mektep qabyrǵasynda qalyptasady», – dedi Toqaev.
