Bilim salasynyń qyzmetkerleri 130 mln teńge jymqyrǵan

Foto: ashyq derekkóz

Almaty oblysynyń Eńbekshiqazaq aýdandyq soty Balqash aýdanynyń bilim bóliminiń basshysy D. Aqmoldaevaǵa jáne osy bólimniń 8 býhgalterine qatysty úkim shyǵardy, dep habarlaıdy qandastar.kz

Olar 129,6 mln teńge somasynda bıýdjet qarajatyn ózine artyq jalaqy aýdarý arqyly jymqyrǵany úshin kináli dep tanyldy.

Aqmoldaeva memlekettik qyzmette qyzmet atqarýǵa ómir boıyna tyıym sala otyryp, 8 jyl 6 aıǵa bas bostandyǵynan aıyryldy.

Býhgalterlerge memlekettik qyzmette 3 jyldan 10 jylǵa deıin qyzmet atqarýǵa tyıym salynyp, 2 jyldan 8 jylǵa deıin bas bostandyǵynan aıyrý jáne shekteý jazasy taǵaıyndaldy.

Týra osylaı «Taldyqorǵan qalasynyń №12 orta mektebi» KMM býhgalterleri ózderine belgilengen normadan joǵary jalaqy aýdarý arqyly 24,5 mln teńge somasynda bıýdjet qarajatyn jymqyrǵany úshin kináli dep tanyldy.