Bilim júıesi qyzmetkerleri forýmyndaǵy Almaty ákimi baıandamasynyń mátini

Búgin, 19 tamyzda Almatyda bilim júıesi qyzmetkerleriniń forýmy ótti. Baqytjan Saǵyntaev muǵalimniń mártebesin kóterý jáne olarǵa qoldaý kórsetý sharalary týraly aıtty.

Qaıyrly kún, ardaqty ustazdar, qadirli qaýym!

Jańa oqý jylynyń aldynda ózderińizben ózekti máselelerdi talqylaıtyn bilim salasy qyzmetkerleriniń forýmynda bas qosyp otyrmyz.

Búgingi kezdesýdiń kún tártibindegi máseleler barshamyzǵa bilim berýdiń asa mańyzdy baǵdarlary jóninde jan-jaqty pikir almasýǵa, keleshekte atqarylar maqsat-mindetterdi belsene saralap, baǵamdaýǵa múmkindik beredi.

Mundaı ashyq dıalog alańy – qalanyń bilim berý júıesin sapaly deńgeıge kóterýdiń, ári básekege qabilettilikti qalyptastyrýdyń birden-bir mańyzdy sharty.

Barshamyz úshin tanymy mol tárbıeshiniń, úlgi tutatyn ustazdyń orny qashanda bólek.

Elbasymyz Nursultan Ábishuly Nazarbaev atap ótkendeı, «Bilim júıesiniń jany da, júregi de, tiregi de – ustaz». Olaı bolsa, Sizder bergen sapaly bilim – jarqyn bolashaqtyń kepili.

Kez kelgen adam ákim, mınıstr bola alady, al, biraq kez-kelgen adam ustaz bola almaıdy.

Sondyqtan da bolar mynadaı óleń shýmaqtary beker shyqqan joq:

«Ǵalym da, shahter de bas ıetin

Ustazym bar seniń qasıetiń.

Shynynda da ustazdyq etý úshin, qasıet kerek.

Adamdyqtyń qasıetin (meıirbandylyq, qaıyrmydylyq, tárbıe sekildi), – dalanyń qasıetin (darhandylyq, keńpeıilidilik), – babanyń qasıetin(otansúıgishtik, óz tamyryn, mádenıetin jáne rýhyn qasterleý) shákirttiń júregine dán qylyp egetin de ustaz.

Bizdiń burynǵy ótken jaqsylarymyz: «О́mir teńiz bolsa, muǵalim onyń marjany», «Dúnıe dárııa bolsa, muǵalim onyń qarmaǵy», – dep beker aıtpaǵan.

Ardaqty ustazdar, Sizderdi sanaýly kúnderden keıin bastalatyn jańa oqý jylymen shyn júrekten quttyqtaýǵa ruqsat etińizder.

Qoǵamnyń alǵa damýy kózi ashyq, kókiregi oıaý, bilimdi azamattardyń kóptiginde.

Bilimdi urpaqtyń kóp bolýy, muǵalimderdiń mańdaı teri men eńbeginde jatyr.

Memlekettiń qarqyndy damýy ustazdardyń bilimi men biligine tikeleı baılanysty. Muǵalimniń sapaly biliminiń astarynda sanaly urpaq, bilikti maman, ultjandy azamat, belsendi qoǵam, qaıyrymdy halyq, berekeli El jatyr.

Sizder Memlekettiń bilimi men tárbıesiniń besigin terbetip otyrǵan qadirli qaýymsyzdar!

Bilimnen bólek, aqparatpen alysqan myna qoǵamǵa ustazdyń tárbıesi aýadaı qajet. О́zgeniń balasyn óz balasyndaı tárbıelep otyrǵan qurmetti ustazdar qaýymy Sizderge Alǵystan basqa aıtarymyz joq.

Alashtyń ardaqty azamaty Álıhan Bókeıhanovtyń: «Ultqa qyzmet bilimnen emes, áýeli minezden», – degen minsiz sózi bar.

Urpaqtyń minezin qalyptastyrýda bizge búginde daryndy ustazdar kerek!

Daryndy ustaz – qasıeti men biliminiń arqasynda shákirtteriniń júregin jaýlaǵan, zamanaýı ilimdi meńgergen kásibı maman.

Qasıettiń astarynda bilimmen qosa sabyr, tózim, shydam, úlken meıirim men rýh jatyr.

Urpaqqa bilim berý, árıne, mańyzdy, degenmen urpaq tárbıesine de kóp kóńil bólý qajet.

О́kinishke oraı, qazirgi tańda urpaqtyń minezi usaqtalyp barady.

Sol sebepti, bizge búginde minezi iri urpaq qajet, qurmetti ustazdar!

Tolyǵyraq: https://www.almaty.gov.