BIOLOG-ǴALYM TÚIE SÚTINEN JASALǴAN ShIPALY SÝSYNDY О́NDIRISKE ENGIZDI

Atyraýlyq bıolog-ǵalym Sofııa Saǵyndyqova túıe sútine qyzylsha shyrynyn qosyp, shıpaly sýsyndy óndiriske engizdi. Jańa ónim – adam aǵzasyna paıdaly, dárýmeni mol, sondaı-aq qant dıabetimen aýyratyndar úshin taptyrmas em, – deıdi ǵalym.

Sofııa Zulqarnaıqyzy shıpaly sýsyndy zertteýge 20 jyl arnady. Jańa ónimine qajetti shıkizatty tabý úshin Almaty, Aqtóbe, Qyzylorda, Mańǵystaý óńirinde óndiriletin shubat quramyn zerttegen. Ondaǵy sút qyshqyly bakterııalaryn zerttep, talaı synama da alǵan. Izdenýden sharshamaǵan ǵalym qazir beınetiniń zeınetin kórip otyr.

Sofııa Saǵyndyqova, bıolog: — Qazir kóptegen analarda sút jetispeıdi. Oǵan dabul jaqsy, qajetti ónim. Bala óskennen keıin de berýge bolady balalarǵa. Qazir kóptegen adamdardyń ımmýnıteti tómen. Immýnomodýlıator retinde qoldanýǵa bolady bul sýsyndy. Durys tamaqtanýdy durys dep esepteımin. Antıbıotık qabyldaǵan ýaqytta odan keıin mindetti túrde probıotık ishý kerek. Probıotık retinde bizdiń sýsynda qoldanýǵa bolady. Sofııa Saǵyndyqova jańa ónimine «SofMaııa» dep at qoıǵan. Bul óziniń esimi men ustazy, belgili bıolog Maııa Shyǵaevanyń qurmetine qoıylǵan. Qazir jańa ónim Ǵylym jáne joǵary bilim mınıstrliginiń «Ǵylym qory» arqyly «ǵylymı zertteý nátıjesin qarjylandyrý jobasy» aıasynda grantqa ıe bolǵan.

Endi Mańǵystaý oblysyndaǵy sút zaýytynan shıpaly sýsyndy shyǵarý josparlanyp otyr. Sáýle Dýmanqyzy, sút zaýytynyń tehnology: — Qazir jańa ónimniń jobasy ázirlenip jatyr. Ol – túıe sútinen daıyndalatyn «SofMaııa» sýsyny. Adamnyń densaýlyǵyna óte paıdaly. Biz sýsyndy ázirlep, jýyrda shyǵaramyz. Bıolog-ǵalym bul shyrynnyń qaterli isik aýrýlaryna qarsy turý qabiletine qatysty zertteýler júrgizilip jatqanyn aıtady. Árıne, bul ónim aty jaman aýrýdy emdeıdi degen jańsaq pikir qalyptaspaýy kerek. Degenmen aýrýdan qorǵaý men aǵzadaǵy ýly zattardan arylýǵa kómegi mol, – deıdi ǵylymı jobanyń avtory.