جاڭالىقتار
بيولوگيالىق اناسىن ىزدەپ جۇرگەن جانىبەك ساۆەلەۆ قازاقستانعا قايتا كەلدى
ول بۇگىن استانادا «قازاقستان» تەلەراديوكورپوراتسياسىنىڭ «قازاق راديولارى» وتكىزەتىن «مىڭ العىس» شاراسىنا قاتىسادى دەپ جوسپارلانعان.
قازاق راديوسىنىڭ «بارمىسىڭ, باۋىرىم?» حابارى ارقىلى اناسىن ىزدەگەن جانىبەكتىڭ ارقاسىندا 2001-2002 جىلدارى ارقالىقتا دۇنيەگە كەلگەن 4 بالانىڭ تۋعان اناسى انىقتالدى. ءبىر ۇل كانادادا, ەكى ۇل بەلگيادا جانە تاعى ءبىر ۇل قازاقستاندا تۇرىپ جاتىر.
جانىبەكتىڭ ءوز اناسىنا قاتىستى زەرتتەۋ جۇمىستارى جالعاسۋدا.
«مىڭ العىس» شاراسىندا جانىبەكتەن بولەك, 1930 جىلدارى اتا-باباسى قازاقستانعا قونىس اۋدارعان تۇرىك ەتنوسىنىڭ وكىلى ياشا قوشاليوعلى, دونورلىق ورگانمەن ءومىر ءسۇرىپ جۇرگەن الماتىلىق سۆەتلانا كايپوۆا مەن دانيار بايبۋلاەۆ, 25 بالا اسىراپ العان اقتوبەلىك جەتەسوۆتەر وتباسى مەن استانادا تۇرعىن ۇيدەن شىققان ءورت كەزىندە بەسىنشى قاباتتا قالعان تۇرعىندى امان الىپ قالعان قۇتقارۋشى عالىمبەك وتەشەۆ قوناق بولادى.
