«Bir ájethanany 30 mln saldyrǵany este»: Aıgúl Orynbek Janseıit Túımebaev týraly aıtty

Foto: ashyq derekkóz

Qoǵam belsendisi, zańger Aıgúl Orynbek Adal Adam youtube arnasyna bergen suhbatynda Janseıit Túımebaev Ońtústik Qazaqstan jáne Túrkistan oblysyn basqarǵan ýaqytta jarytyp jumys istemegenin aıtty, – dep habarlaıdy qandastar.kz

«Maqtaaralǵa baryp toı toılaǵanyn bilemin. Bir ájethanany 30 mln-ǵa saldyrǵanyn esimde. Shatqaldy bilem. Esimde tek solarmen qalypty», – dedi qoǵam belsendisi.

Aıgúl Orynbektiń aıtýynsha, Shymkent qalasyndaǵy shatqaldardy kógaldandyrý, abattandyrý iske aspaǵanyn jáne jumsalǵan 1 mlrd-tan astam qarajat qumǵa sińgen sýdaı bolǵanyn aıta kele, jobany ilgeriletken ákim Janseıit Túımebaevtyń isine quzyrly organdar baǵa berýi kerektigin atap ótti.