Bir-birin jaqtyrmaǵan: Temirtaýda feldsher qyzdy jumys ornynda áriptesi uryp tastady

Foto: Jeli kadrlarynan 

Temirtaýda feldsher qyzdy jumys ornynda áriptesi mas kúıinde kelip uryp tastaǵan. Boıjetken mı jaraqaty, saýsaqtyń synýy men túrli kógerý jaraqatymen aýrýhanaǵa tústi, dep jazdy qandastar.kz

Bul týraly Stan.kz aqparat agenttigi habarlaıdy.

Oqıǵa 13 sáýir kúni keshke bolǵan. Jergilikti jurt jazǵandaı, er adam mas kúıinde qyzben «sóılesýge» barǵan. Ol 30 jastaǵy feldsherge jedel járdem stanııasynyń aýmaǵynda kezekshilik kezinde shabýyl jasaǵan. 29 jastaǵy er adam sol kezde eńbek demalysynda bolsa, jumys ornyna kelip qyzdy tunshyqtyryp qulatqan, uryp-soǵyp, shashynan súıregen. Áriptesteri ony áreń súırep arasha túsken.

Dereketerge súıensek, feldsher qyz er adamnyń súıiktisiniń qurbysy bolǵan. Ol feldsherge “qurbysyna ózimen aıyrylysýǵa keńes berip júr” dep shabýyldaǵan.

Jábirlenýshi mı jaraqaty men shaıqalýy, saýsaqtyń synýy jáne kóptegen kógerý jaraqatymen aýrýhanaǵa jatqyzyldy. Kelesi kúni shabýyldaýshy da sol aýrýhanaǵa úsh belgisiz adamnyń osy jaǵdaıdan keıin ózin urǵanyn aıtyp túsken. Keıinirek er adam aýrýhanadan óz erkimen ketip qalǵan.

Polıııa 29 jastaǵy kúdiktiniń ustalǵanyn jáne bólimshege jetkizilgenin habarlady. Olardyń aıtýynsha, janjal qyzmetkerlerdiń bir-birin jaqtyrmaýynan bastalǵan. Munyń jumysqa qatysy joq ekeni aıtyldy. Qazir qylmystyq is qozǵalyp, tergeý júrip jatyr. Ekeýi emdelgen soń saraptama taǵaıyndalady.