«ءبىر ەركەكپەن قارىم-قاتىناستا بولعان»: پاۆلوداردا ەكى ايەل توبەلەستى

پاۆلودارداعى سۇلۋلىق سالوندارىنىڭ بىرىندە ەكى ايەلدىڭ اراسىنداعى جانجال بەينەباقىلاۋ كامەرالارىنا ءتۇسىپ قالدى, دەپ حابارلايدى qandastar.kz Azattyq Rýhy-نا سىلتەمە جاساپ.

وقيعانىڭ ۆيدەوسى الەۋمەتتىك جەلىلەردە جاريالاندى.

جۋرناليست ميحايل كوزاچكوۆ ءوزىنىڭ Telegram-ارناسىندا پاۆلوداردا سوڭعى بىرنەشە كۇن بويى ەكى ايەل اراسىنداعى توبەلەس قىزۋ تالقىلانىپ جاتقانىن جازدى. ايتۋىنشا, «ەكى ايەل دە كەزىندە ءبىر ەر اداممەن قارىم-قاتىناستا بولعان» دەلىنەدى.

«ءسىرا, سول سەبەپتى ولاردىڭ اراسىندا جەكە كەلىسپەۋشىلىك تۋىنداعان. سول كۇنى ولار سۇلۋلىق سالونىندا كەزدەسىپ, الدىمەن سوزگە كەلىپ, ارتىنشا بىرەۋى ەكىنشىسىن سوققىعا جىققان», – دەلىنگەن الەۋمەتتىك جەلىدەگى حابارلامادا.

پاۆلودار وبلىسى پوليتسيا دەپارتامەنتىنىڭ ءباسپاسوز قىزمەتى جانجالعا بايلانىستى دەنە جاراقاتىن كەلتىرۋ فاكتىسى بويىنشا قىلمىستىق ءىس قوزعالعانىن حابارلادى.

«قاقتىعىسقا قاتىسقان ايەلدەر انىقتالىپ, پوليتسيا بولىمىنە جەتكىزىلدى. بولعان وقيعانىڭ ءمان-جايى مەن سەبەپتەرى تەرگەۋ بارىسىندا انىقتالادى», – دەپ مالىمدەدى دەپارتامەنت.