«ءبىر قىز تۋىپ السام»: ءلايلا سۇلتانقىزى ەكۇ ارقىلى بالا جاساپ العىسى كەلەتىنىن ايتتى

تەلەجۇرگىزۋشى ءلايلا سۇلتانقىزى ءۇشىنشى بالانى دۇنيەگە اكەلۋدى جوسپارلاپ جۇرگەنىن جاسىرمادى, دەپ حابارلايدى KYN.KZ اقپارات اگەنتتىگى. 

تاعى بالالى بولۋ تۋرالى ۇلكەن ۇلىنىڭ پىكىرىن سۇراپ كورگەن.

«ءوزىم ەكى جىل ەكۇ-ورتالىققا بارىپ ءجۇردىم. ۇلكەن ۇلىم قازىر, ەكىنشى ۇلىم دا 2 جىلدان سوڭ كەتەدى. ول دا شەتەلدە وقىعىسى كەلەدى. شىن مانىندە جالعىز قالىپ قالسام, ەكۇ-ورتالىقتا انالىق جاسۋشا ساقتالعان. سولاي بالالارىمدى تەكسەرەيىن دەپ, «ءبىر قىز تۋىپ السام» دەدىم. ەكەۋى دە تاڭدانىپ, «اناشىم, ءسىز تاڭعى 4-تە تۇرا الاسىز با?» دەدى. قارسىلىعىن بىلدىرە الماي, مۇلدە باسقا جاۋاپ ايتتى. سولاي قالجىڭ ارالاس اڭگىمە ايتتىم. «ءار قالجىڭنىڭ استىندا شىندىق بار» دەيدى عوي. بىراق بالالارىمنىڭ دايىن ەمەس ەكەنىن ءتۇسىندىم», – دەدى ءلايلا سۇلتانقىزى.

ءتىپتى ەكۇ ارقىلى بالا جاساۋعا بولاتىنىن بىلگەن. الايدا نۇرلان يمام بالا اسىراپ السا, بىرنەشە ەسە ساۋاپ جازىلاتىنىن ايتىپتى.

«ۇلكەن ۇلىم «ءبىر قارىنداس اسىراپ الايىقشى, سونىڭ جولىن ءبىلىڭىز» دەيدى. كەيدە ءبىر قىز اسىراپ الۋ تۋرالى ويلانامىن, بىراق قورقامىن. سودان نۇرلان يمامعا حابارلاستىم. ول كىسى «اسىراپ الساڭ, بىرنەشە ەسە ساۋاپ جازىلادى» دەدى. مەنى قولدادى. ەكۇ ارقىلى بالا جاساۋعا دا بولادى, قايراتتىڭ بيوماتەريالى ساقتالعان. ءبىر اكەدەن بولعانى جاقسى. بىراق مەن قانشالىقتى انا بولۋعا دايىنمىن? كىشى بالام 15-تە. ەكىنشىدەن, ول بالانى وسىرۋگە شامام جەتە مە? قازىر 47-دە بولسام, 60 جاسىمدا بالامنىڭ جاسى 10-نان اسىپ تۇرادى. اللا جەتكىزەدى دەيدى عوي, بىراق جۇرەگىمدە قورقىنىش بار», – دەدى ءلايلا سۇلتانقىزى.