«Bir qyz týyp alsam»: Láılá Sultanqyzy EKU arqyly bala jasap alǵysy keletinin aıtty

Telejúrgizýshi Láılá Sultanqyzy úshinshi balany dúnıege ákelýdi josparlap júrgenin jasyrmady, dep habarlaıdy KYN.KZ aqparat agenttigi. 

Taǵy balaly bolý týraly úlken ulynyń pikirin surap kórgen.

«О́zim eki jyl EKU-ortalyqqa baryp júrdim. Úlken ulym qazir, ekinshi ulym da 2 jyldan soń ketedi. Ol da shetelde oqyǵysy keledi. Shyn máninde jalǵyz qalyp qalsam, EKU-ortalyqta analyq jasýsha saqtalǵan. Solaı balalarymdy teksereıin dep, «bir qyz týyp alsam» dedim. Ekeýi de tańdanyp, «anashym, siz tańǵy 4-te tura alasyz ba?» dedi. Qarsylyǵyn bildire almaı, múlde basqa jaýap aıtty. Solaı qaljyń aralas áńgime aıttym. «Ár qaljyńnyń astynda shyndyq bar» deıdi ǵoı. Biraq balalarymnyń daıyn emes ekenin túsindim», – dedi Láılá Sultanqyzy.

Tipti EKU arqyly bala jasaýǵa bolatynyn bilgen. Alaıda Nurlan ımam bala asyrap alsa, birneshe ese saýap jazylatynyn aıtypty.

«Úlken ulym «bir qaryndas asyrap alaıyqshy, sonyń jolyn bilińiz» deıdi. Keıde bir qyz asyrap alý týraly oılanamyn, biraq qorqamyn. Sodan Nurlan ımamǵa habarlastym. Ol kisi «asyrap alsań, birneshe ese saýap jazylady» dedi. Meni qoldady. EKU arqyly bala jasaýǵa da bolady, Qaırattyń bıomaterıaly saqtalǵan. Bir ákeden bolǵany jaqsy. Biraq men qanshalyqty ana bolýǵa daıynmyn? Kishi balam 15-te. Ekinshiden, ol balany ósirýge shamam jete me? Qazir 47-de bolsam, 60 jasymda balamnyń jasy 10-nan asyp turady. Alla jetkizedi deıdi ǵoı, biraq júregimde qorqynysh bar», – dedi Láılá Sultanqyzy.