ءبىر توپ جىگىت ەكى بالانى سوققىعا جىققان

Telegram-داعى Astanovka98 ارناسىندا ەل استاناسىندا بولعان توبەلەستىڭ ۆيدەوسى جاريالاندى. ۆيدەو سيپاتتاماسىندا توبەلەستىڭ تاڭعى ساعات 4-تە مامەتوۆا كوشەسىندە بولعانى ايتىلعان, دەپ حابارلايدى Qandastar.kz اقپاراتتىق پورتالى پوليتسيا دەپارتامەنتىنە سىلتەمە جاساپ. 

استانادا مامەتوۆا كوشەسىندە بولعان توبەلەسكە قاتىسۋشىلار 15 تاۋلىككە قاماۋعا الىندى. بۇعان دەيىن جەلىدە توبەلەستىڭ ۆيدەوسى جاريالانعان.

ء«بىر توپ جىگىت ەكى بالانى سوققىعا جىققان. كادردان ولاردىڭ بىرەۋىن تەپكىلەپ, كەيىن بىرنەشە رەت جۇدىرىقپەن ۇرعانىن كورۋگە بولادى», — دەلىنگەن ۆيدەونىڭ سيپاتتاماسىندا.

استانا پوليتسيا دەپارتامەنتىنىڭ ءباسپاسوز قىزمەتى جەلىدەگى ۆيدەوعا قاتىستى تۇسىنىك بەردى.

«توبەلەسكە قاتىسۋشىلاردىڭ ءبارى انىقتالدى. الدىن الا مالىمەت بويىنشا, كامەلەتكە تولماعان بالا بىرنەشە جاس جىگىت تۇرعان بوتەن پاتەرگە قاتەلەسىپ كىرىپ كەتكەن. وسىدان كەيىن ولاردىڭ اراسىندا جانجال تۋىنداعان.

ۇستالعاندارعا قاتىستى «ۇساق بۇزاقىلىق» بابى بويىنشا اكىمشىلىك حاتتاما تولتىرىلدى. سوت قاۋلىسىمەن قۇقىق بۇزۋشىلار 15 تاۋلىككە قاماۋعا الىندى», — دەپ حابارلادى پوليتسيا دەپارتامەنتى وكىلدەرى.

ەسكەرتۋ: ۆيدەودا زورلىق-زومبىلىق كورىنىسى بار! پسيحيكاسى تۇراقسىز ادامدارعا, جۇكتى ايەلدەرگە جانە 18 جاسقا تولماعاندارعا بەينەجازبانى كورۋگە كەڭەس بەرمەيمىز.