Bir top jigit eki balany soqqyǵa jyqqan

Telegram-daǵy Astanovka98 arnasynda el astanasynda bolǵan tóbelestiń vıdeosy jarııalandy. Vıdeo sıpattamasynda tóbelestiń tańǵy saǵat 4-te Mámetova kóshesinde bolǵany aıtylǵan, dep habarlaıdy Qandastar.kz aqparattyq portaly Polıııa departamentine silteme jasap. 

Astanada Mámetova kóshesinde bolǵan tóbeleske qatysýshylar 15 táýlikke qamaýǵa alyndy. Buǵan deıin jelide tóbelestiń vıdeosy jarııalanǵan.

«Bir top jigit eki balany soqqyǵa jyqqan. Kadrdan olardyń bireýin tepkilep, keıin birneshe ret judyryqpen urǵanyn kórýge bolady», — delingen vıdeonyń sıpattamasynda.

Astana Polıııa departamentiniń baspasóz qyzmeti jelidegi vıdeoǵa qatysty túsinik berdi.

«Tóbeleske qatysýshylardyń bári anyqtaldy. Aldyn ala málimet boıynsha, kámeletke tolmaǵan bala birneshe jas jigit turǵan bóten páterge qatelesip kirip ketken. Osydan keıin olardyń arasynda janjal týyndaǵan.

Ustalǵandarǵa qatysty «Usaq buzaqylyq» baby boıynsha ákimshilik hattama toltyryldy. Sot qaýlysymen quqyq buzýshylar 15 táýlikke qamaýǵa alyndy», — dep habarlady Polıııa departamenti ókilderi.

Eskertý: vıdeoda zorlyq-zombylyq kórinisi bar! Psıhıkasy turaqsyz adamdarǵa, júkti áıelderge jáne 18 jasqa tolmaǵandarǵa beınejazbany kórýge keńes bermeımiz.