Bir jyldyq ınternatýra jaramaı qalǵan: Ál-Farabı atyndaǵy Ulttyq ýnıversıtet túlekteri rezıdentýraǵa túse almaı tyǵyryqqa tireldi

Foto: ashyq derekkóz

Almatydaǵy Ál-Farabı atyndaǵy Qazaq ulttyq ýnıversıtetiniń medıına fakýltetin 6 jyl oqyǵan túlekter rezıdentýraǵa túse almaı qaldy. Sebebi olardy ózge medıınalyq joǵary oqý oryndary bir jyldyq ınternatýra jetkiliksiz dep qabyldamaı qoıǵan.

Muny estigen Ulttyq ýnıversıtetti kelesi jyly bitiretin stýdentter de dabyl qaǵyp otyr. О́ıtkeni naqty bir salaǵa beıimdelgen dáriger bolý úshin olarǵa rezıdentýra asa qajet. Al densaýlyq saqtaý mınıstrligi jastardyń eki ortada sabylýyna ýnıversıtetti kinálady. Bul týraly Stan.kz aqparat agenttigi KTKarnasyna silteme jasap habarlaıdy.

Dáriger bolýdy ańsap, Ál-Farabı atyndaǵy Qazaq ulttyq ýnıversıtetiniń medıına fakýltetine oqýǵa túskenjastar maman ıesi ataný jolynda kedergige tap bolyp otyr. Bes jyldyq bakalavrdy, artynsha bir jyldyq ınternatýrany bitirgen túlekter bıyl rezıdentýraǵa túse almaı, tyǵyryqqa tirelipti. О́zge medıınalyq joǵary oqý oryndary ulttyq ýnıversıtet túlekteri ınternatýrany jetkiliksiz oqyǵan dep otyr.

“Bir jyldyq ınternatýralaryńyz jaramsyz, ekinshi jyl baryp oqyp kelińizder” dep otyr. Dıplom qoldarynda, memlekettik úlgide. Dıplom memlekettik qujat, ony qoqysqa tastap, ekinshi jyl oqı bereıik degen nárse durys emes, proedýra buzylady, zań buzylady”, – dedi ýnıversıtet túlegi Aıdana Pazylbek.

Ulttyq ýnıversıtetti keler jyly támámdaıtyn 80 stýdent de qazirden dabyl qaǵyp otyr. О́ıtkeni rezıdentýraǵa túsý bularǵa asa mańyzdy. Ony oqymasa, naqty bir salaǵa beıimdelgen maman bola almaıdy, tek tájirıbelik dáriger bolyp qalady eken.

“Meniń bes jyldyq oqýym zaıa ketpek. Sebebi ar jaǵynda men jalpy tájirıbelik dáriger bolýǵa ǵana quqym qalyp tur. Jylyna 1 mıllıon 70 myń tóledim. Internatýrada baǵa odan da úlkeıedi, 1 mıllıon 700 myń suraıdy. Men sony tóleýim kerek. Onyń ústine odan keıin jyldar boıy tólengen aqshammen ári qaraı men jeke mamandyq ala almaımyn”, – dep dabyl qaqty túlekterdiń biri Álııa Qudaıbergen.

Sóıtse Qazaq ulttyq ýnıversıteti jastardy medıınalyq bilim berýdiń jańa standartymen oqytypty. Soǵan sáıkes bakalavrdan keıin oqylatyn ınternatýra bir jylǵa qysqartylǵan. Endi oqý ornynyń basshylyǵy óz túlekteriniń rezıdentýraǵa qabyldanýyn surap, densaýlyq saqtaý mınıstrligine hat joldaǵan.

“Hat jazdyq, nátıjesin kútip otyrmyz. Eger de mınıstrliktiń “oqyt” degen sheshimi bolsa, onda biz taǵy bir jyl oqytýǵa daıynbyz. Sebebi balalar bári bir jyl aqyly túrde oqydy. Endi taǵy bir jyl oqyt dese, oqytamyz”, – dedi QazUÝ akademııalyq máseleler jónindegi prorektory Altaı Qazmaǵambetov.

Densaýlyq saqtaý mınıstrligi jastarǵa merziminen buryn dıplom bergen ýnıversıtetti aıyptady. Sebebi bul túlekter oqýǵa túsken kezdegi talapqa sáıkes 7 jyl tolyqqandy bilim alýy kerek eken.

“Bilim týraly zańǵa sáıkes, olar ýnıversıtetti oqýǵa túsken kezdegi baǵdarlama boıynsha aıaqtaýy kerek. Sol kezde 7 jyl oqýy kerek dep belgilengen bolsa, sol 7 jyldy tolyqqandy oqyp shyǵýǵa tıis. Keıinirek qoldanysqa engen baǵdarlamanyń bul túlekterge qatysy joq. Sondyqtan ınternatýranyń taǵy bir jylyn oqyp kelsin. Sodan keıin ǵana rezıdentýraǵa túse alady”, – dedi DSM Ǵylym jáne adamı resýrstar departamentiniń Medıınalyq bilim basqarmasynyń basshysy Áset Izdenov.

Al túlekter qajetti bilimniń bárin «bir jyl ishinde alyp qoıdyq» dep otyr. Ári taǵy bir jyl aqyly oqýǵa eshqaısynyń qulqy joq. Sondyqtan qolda bar dıplommen rezıdentýraǵa qabyldaýdy talap etedi. Aıta keteıik, onyń ózin tańdaǵan baǵytyna qaraı, rezıdentter 2 jyldan 4 jylǵa deıin oqıdy.