ء«بىرىنشى سامان كىرپىش پەن تاستان سالىنعان نىساندار قيرايدى»: الماتىداعى ۇيلەردىڭ قايسىسى جەر سىلكىنىسىنە ءتوزىمدى

الماتىدا قاڭتاردا بولعان جەر سىلكىنىسىنەن كەيىن اراعا ءبىراز ۋاقىت سالىپ 4 ناۋرىز كۇنى تاعى دا ءدۇمپۋ ورىن الدى. بۇگىنگى 5, 4 باللدىق سىلكىنىس كوپشىلىكتى تاعى دۇربەلەڭگە سالدى. كۇندىز سەزىلگەن تەربەلىستەن كەيىن تۇرعىندار جاپپاي سىرتقا شىعىپ, عيماراتتا قالۋعا ۇرەيلەندى.

وسى تۇستا كوپشىلىك قالاداعى عيماراتتاردىڭ تابيعي اپاتقا قانشالىقتى شىداي الاتىنىن بىلگىسى كەلەدى. Stan.kz ءتىلشىسى مامانداردان مەگاپوليستەگى عيماراتتاردىڭ جەر سىلكىنىسىنە توزىمدىلىگى تۋرالى سۇراپ كوردى.

قازاق قۇرىلىس جانە ساۋلەت عىلىمي زەرتتەۋ جانە جوبالاۋ ينستيتۋتىنىڭ ءوندىرىس جونىندەگى باسقارۋشى ديرەكتورى, تەحنيكا عىلىمدارىنىڭ كانديداتى ەرالى توقپاروۆتىڭ ايتۋىنشا, الماتى قالاسىنداعى ۇيلەردىڭ بارلىعى 9-10 بالدىق جەر سىلكىنىسىنە ەسەپتەلىپ سالىنعان.