«Birinshi saman kirpish pen tastan salynǵan nysandar qıraıdy»: Almatydaǵy úılerdiń qaısysy jer silkinisine tózimdi

Almatyda qańtarda bolǵan jer silkinisinen keıin araǵa biraz ýaqyt salyp 4 naýryz kúni taǵy da dúmpý oryn aldy. Bugingi 5, 4 balldyq silkinis kópshilikti taǵy dúrbeleńge saldy. Kúndiz sezilgen terbelisten keıin turǵyndar jappaı syrtqa shyǵyp, ǵımaratta qalýǵa úreılendi.

Osy tusta kópshilik qaladaǵy ǵımarattardyń tabıǵı apatqa qanshalyqty shydaı alatynyn bilgisi keledi. Stan.kz tilshisi mamandardan megapolıstegi ǵımarattardyń jer silkinisine tózimdiligi týraly surap kórdi.

Qazaq qurylys jáne sáýlet ǵylymı zertteý jáne jobalaý ınstıtýtynyń óndiris jónindegi basqarýshy dırektory, tehnıka ǵylymdarynyń kandıdaty Eraly Toqparovtyń aıtýynsha, Almaty qalasyndaǵy úılerdiń barlyǵy 9-10 baldyq jer silkinisine eseptelip salynǵan.