جاڭالىقتار
«بيشىمباەۆ نۇكەنوۆانى ولتىرگىسى كەلسە كيللەر جالدايتىن ەدى»
ءجارىسسوز بارىسىندا ەرلان عازىمجانوۆ بيشىمباەۆ «سالتاناتتى ولتىرگىسى كەلسە, قالا سىرتىنا اپارىپ, ءولتىرىپ, كومىپ تاستاۋىنا بولار ەدى» نەمەسە «كىسى ءولتىرۋشى جالدايتىن ەدى» دەپ ايىپتاۋ اكتىسىنە قارسى شىعۋعا تىرىستى.
«ەلەستەتىپ كورەيىكشى, ەگەر بيشىمباەۆ كىسى ءولتىرۋدى جوسپارلاسا, ول مۇنى ءوز قولىمەن جاساي ما? بيشىمباەۆ كىسى ءولتىرۋ ارەكەتىن ءوز قولىمەن جاساعىسى كەلدى دەلىك. ول مۇنى ىسكە اسىرۋ ءۇشىن كىسى ءولتىرۋ قارۋىن الدىن الا دايىنداپ, نۇكەنوۆانى قاۋىپسىز جەرگە اپارىپ, ولتىرەر ەدى. سوسىن ءمايىتتى جاسىرىپ, قىلمىس ورنىنان تەزىرەك كەتۋگە جانە قارجىلىق مۇمكىندىكتەرىن پايدالانىپ قازاقستاندى قاشىپ كەتۋىنە بولار ەدى», – دەدى ادۆوكات.
