BIShIMBAEV TERGEÝGE KО́MEKTESPEGEN

Saltanat Núkenova jabyq mı jaraqatynyń saldarynan qaıtys bolǵan. Sot medıınalyq saraptamanyń qorytyndysy osyndaı.

Búgin ony jábirlenýshi taraptyń advokattary oqyp berdi. Rıat Shonı, tilshi: — Qoǵamda rezonans týdyrǵan eks-mınıstr Qýandyq Bıshimbaevqa qatysty sot proesi jalǵasyp jatyr. Onyń isi alqabılerdiń qatysýymen qaralyp jatyr. Buny aıyptalýshy tarap ózi suraǵan bolatyn. Búgingi otyrysta marqum Saltanat Núkenovanyń telefony qaraldy.

Ondaǵy hattar oqylyp, fotosýretter kórsetildi. Al aıyptaýshy tarap sotqa deıingi tergeý amaldary barysynda Qýandyq Bıshimbaev óz telefonyn kórsetpegendigin alǵa tartty. Marqum Saltanat Núkenovanyń telefonyn tekserýdi aıyptalýshy taraptyń advokattary buǵan deıin birneshe márte suraǵan bolatyn. Bıshimbaevtyń qorǵaýshylary hattardan bólek, ondaǵy fotosýretterdiń barlyǵyn sotta kórsetýdi talap etti. Olardyń sózinshe, munda aıyptaý aktisin joqqa shyǵaratyn dálelder bar.

Degenmen Saltanat Núkenovanyń aǵasy Aıtbek Amangeldi telefondaǵy sýretterdi ońaı almastyrýǵa bolatyndyǵyn aıtty. Aqyry sýdıa Aıjan Kólbaeva advokattardyń bul ótinishin qanaǵattandyrmady. Prokýror marqumnyń telefonyndaǵy birqatar jazbany oqydy. Saltanat Núkenova óziniń azamattyq nekedegi kúıeýimen araqatynasy týraly jazǵan.

Aıjan Aımaǵanova, memlekettik aıyptaýshy: — «Qýandyq, men birjolata Pavlodarǵa ketemin. Aramyzda sezim qalmaǵanyn túsindim. Esh nárseni saqtaǵym kelmeıdi. Ol múmkin de emes. Opasyzdyq jasaǵanyń úshin keshirim de suramadyń, esh nárse istemediń. Bárine meni kinálap, psıhoterapevke qaral deı berdiń. Budan ári shydaı almaımyn. Keshir meni, umyt meni jáne maǵan bostandyq ber. Men barlyǵyn osy jerden toqtatamyn dep sheshtim. Men ata-anammen birge bolamyn, olar maǵan qaraılasady», – dep jazylǵan. Qýandyq Bıshimbaev, aıyptalýshy: — Shynymdy aıtsam, men bul mátinmen tanys emespin.

Ony birinshi ret estip turmyn. Saltanattyń psıhıkalyq jaǵdaıy turaqsyz bolǵandyqtan, men oǵan únemi psıhoterapevt týraly aıtatynmyn. Ol 2 kúnge qonaqúıge ketken edi. Únemi ketip qala bergendikten, men de úıde otyrmaımyn, kútpeımin dep sheshtim. Sol kezde Saltanat nege úıge bóten áıelderdi ákelesiń deıtin. Búgin sot otyrysynda jábirlenýshi taraptyń advokattary sot-medıınalyq saraptamanyń qorytyndysyn jarııalady. Marqumnyń denesinde qandaı jaraqattar bolǵanyn oqyp berdi. Janna Orazbaqova, jábirlenýshi taraptyń advokaty: — Deneniń syrtqy jaraqattary týraly saraptamany shamamen 40 mınýttaı oqydyq

. Olar 2,5 betke jazylǵan. Sot-medıınalyq saraptama kezinde Saltanat Núkenovanyń denesinen bas súıek-mı jaraqaty, betinde kóptegen jara men qan anyqtaldy. Murny synǵan, onyń aınalasyndaǵy terisine qan uıyǵan. Bas terisinde sýbdýraldy gematoma anyqtalǵan. Bul saraptama byltyr qarashanyń 10-i kúni jasalǵan. Sotta jábirlenýshi tarap qańtardyń 4-i kúni qosymsha jasalǵan saraptamanyń qorytyndysyn da oqýdy surady. Munda Saltanat Núkenovanyń neden qaıtys bolǵandyǵy aıtylǵan eken. Biraq Bıshimbaevtyń advokattary bul zertteýdi jeke sarapshy jasaǵandyǵyn alǵa tartyp, ony jarııalaýǵa ruqsat bermeýdi surady. Al marqumnyń aǵasy Aıtbek Amangeldiniń aıtýynsha, aıyptalýshy tarap qazir tek ýaqyt sozýdyń amaldaryn jasap otyr. Aıtbek Amangeldi, marqumnyń aǵasy: — О́ıtkeni onyń ızolıatorda otyrǵan 1 kúni, qatelespesem, 2 kún dep esepteledi. Jalpy jaza merzimin azaıtý úshin olarǵa ýaqyt sozý tıimdi bolyp tur. Aıta ketý kerek, ótken sot otyrysynda ekinshi aıyptalýshy Baqytjan Baıjanov ózin Qýandyq Bıshimbaevtan bólek jerge otyrǵyzýdy ótingen. Aıtýynsha, oǵan qysym kórsetilip jatyr. Sot otyrysynda qos kúdikti bir-birinen alshaq otyrǵyzyldy. Al advokattar Baıjanov ne úshin aıyptalyp jatqanyn áli kúnge deıin túsinbeı keledi. Álibek Sekerov, B. Baıjanovtyń advokaty: — Baıjanov ony ne úshin aıyptap jatqanyn túsinbeıdi. Sebebi ol áý bastan tergeýden eshteńeni jasyrǵan joq. Bar shyndyqty aıtty. Sot-medıınalyq saraptamanyń qorytyndysynda Saltanat Núkenova jabyq mı jaraqatynyń saldarynan qaıtys bolǵandyǵy jazylǵan. Buǵan deıin Qýandyq Bıshimbaev marqumnyń ózi birneshe márte taıyp jyǵylǵanyn aıtqan edi. Iske qatysty sot proesi áli jalǵasyp jatyr.