Bıshimbaevqa tamaq arqyly tergeý ızolıatoryna esirtki tasymaldaǵan – Ishki ister mınıstrligi aqparatqa qatysty pikir bildirdi

Foto: aikyn.kz

Qazaqstannyń Ishki ister mınıstrligi eks-mınıstr Qýandyq Bıshimbaevqa tergeý ızolıatoryna tamaq arqyly esirtki tasymaldandy degen aqparatty joqqa shyǵardy. Bul týraly Stan.kz aqparat agenttigi habarlaıdy.

7 shildede elordanyń tergeý ızolıatorynda belgisiz áıel tutqynǵa marıhýana qosylǵan golýby ákelgeni týraly aqparat tarady.

Keıinnen bul Saltanat Núkenovany óltirgeni úshin sottalǵan eks-mınıstri Qýandyq Bıshimbaevqa arnalǵan degen qaýeset tarady.

“№64 mekemede golýby taǵamynyń arasyna salyp, tyıym salynǵan zatty ótkizý áreketiniń joly kesildi. Alaıda bul derektiń Bıshimbaevqa esh qatysy joq”, – dep habarlady Ishki ister mınıstrligi.

Osy oqıǵadan keıin elordalyq tergeý ızolıatorynda tergeýde otyrǵandar men sottalǵandarǵa tartylǵan et qosylǵan taǵam ákelýge tyıym salynǵany habarlandy. Alaıda, Ishki ister mınıstrligi ónimge qatysty jańa erejeler engizilmegenin málimdedi.

Jazda tez buzylatyn azyq-túlikti ákelýge tyıym salynady. Tergeý ızolıatoryndaǵylarǵa týystary men jaqyndary sálemdeme túrinde daıyn azyq-túlik ákelýi tıis.

Aıta keteıik, 13 mamyrda Qýandyq Bıshimbaev Saltanat Núkenovany óltirgeni úshin 24 jylǵa bas bostandyǵynan aıyrylǵan edi. 26 maýsymda apellıaııalyq sot Bıshimbaevtyń úkimin ózgerissiz qaldyrdy.