Bıyl qansha adam áskerge barady?

Foto:ákimdik

Elordadan áskerge shaqyrylǵan 1 myń azamat áskerı boryshyn óteýge jiberiledi. Bul týraly Astana qalasy Qorǵanys departamenti basshysynyń orynbasary Ánýar Áýbákirov Kommýnıkaııalar qyzmetinde ótken brıfıngte málim etti, dep habarlady qandastar.kz

Spıkerdiń sózinshe, qazaqstandyqtardy 2025 jyly merzimdi áskerı qyzmetke shaqyrý áskerge shaqyrylýshylar sanynyń artýy, áskerı qyzmettiń bedeli men tartymdylyǵyn arttyrý máseleleriniń júzege asyrylýymen, sondaı-aq tirkeý jáne shaqyrý jumystaryn ıfrlandyrýmen baılanystyrylady.

«Memleket basshysynyń tapsyrmalary aıasynda, sondaı-aq áskerlerdiń qajettiligine sáıkes 2025 jyly osy sanattaǵy azamattardy Qarýly Kúshterge, basqa da áskerler men áskerı qurylymdarǵa shaqyrý 2000-ǵa jýyq adamǵa ulǵaıtyldy. Sonymen birge, osy jyldyń naýryz aıynan bastap jergilikti áskerı basqarý organdarynda merzimdi áskerı qyzmetshilerdiń áskerı qyzmetke jaramdylyq dárejesin anyqtaý boıynsha shaqyrý jáne dárigerlik komıssııalar jumys isteı bastady», — dedi Ánýar Áýbákirov.

Onyń málimetinshe, Astanadan áskerı qyzmetke 1 myń jańa sarbaz jiberiledi.

Bıyl áskerge shaqyrylý merzimin keıinge qaldyrýǵa nemese shaqyrýdan bosatýǵa quqyǵy joq 18-27 jas aralyǵyndaǵy jigitter shaqyrylady.

«Áskerı qyzmet árbir jas azamat úshin zań júzinde bekitilgen mindet ekenin jáne ony oryndamaý barlyq qylmystyq jáne ákimshilik jaýapkershilikke ákep soǵatynyn eske salǵym keledi», — dep eske saldy ol.