- بۇل بىلتىرعى كورسەتكىشكە قاراعاندا 3,7 پايىزعا كوپ دەيدى ساراپشىلار. حالىق قانداي تاۋاردى كوپ تۇتىنادى? قارجىنىڭ كوبى ازىق-ت ۇلىككە, جانار جاعارماي مەن ءدارى-دارمەككە كەتكەن سىڭايلى. ويتكەنى وسى ساناتتاعى تاۋار ساۋداسى قىزعان. ازىق-ت ۇلىك تاۋارلارىنىڭ ۇلەسى 26,8%, ازىق-ت ۇلىك ەمەس تاۋارلار 73,2%. جانار جاعارماي, اۆتوموبيلدەر, وپا-دالاپ جانە ءۇي كەرەك-جاراقتارى, فارماتسەۆتيكالىق تاۋارلار, كيىم جانە زەرگەرلىك بۇيىمدار مەن بىلعارى ونىمدەرىن ساتاتىنداردا ءوسىم بايقالدى. اقپاراتقا ساي, ەڭ كوپ اقشا جۇماساعان الماتى, استانا, قاراعاندى مەن شىعىس قازاقستان وبلىسىنىڭ تۇرعىندارى. وتكەن ايدا رەسپۋبليكاداعى بولشەك ساۋدانىڭ جالپى كولەمىندەگى ەداۋىر ۇلەس الماتى (31,5%) مەن استانا قالالارىنا (12,4%), قاراعاندى (8,3%) جانە شىعىس قازاقستان (6,1%) وبلىستارىنا تيەسىلى. كاسىپورىندار 935 ملرد تەڭگەگە تاۋار ساتقان. بۇل دا بىلتىرعىمەن سالىستىرعاندا ءبىرشاما ارتىق كورسەتكىش. تاماق وندىرىسىنە ₸150 ملرد ينۆەستيتسيالاندى 2023 جىلى تاماق وندىرىسىنە 150 ميلليارد تەڭگەدەن استام ينۆەستيتسيا سالىنعان. اسىرەسە, الماتى وبلىسىندا ءوسىم بار. وڭىردە وسى سالاعا 46,4 ملرد تەڭگە قارجى قۇيىلدى. تاماق ونىمدەرى ونىدىرىسىنە مول ينۆەستيتسيا سالىنعان ايماقتاردىڭ تىزىمىنە سولتۇستىك قازاقستان (16,5 ملرد تەڭگە), تۇركىستان (16 ملرد تەڭگە), قوستاناي (9,7 ملرد تەڭگە) جانە اقمولا (9,1 ملرد تەڭگە) وبلىستارى دا كىردى. ينۆەستيتسيالىق پورتفەلدىڭ 63 پايىزى كاسىپكەرلەردىڭ ءوز قاراجاتى ەسەبىنەن بولعان. قالعانى بانك نەسيەلەرى مەن بانكتىك ەمەس قارىزدار ەسەبىنەن. ازىق-ت ۇلىك قاۋىپسىزدىگىنە كەلەتىن بولساق, قازاقستان كەيبىر تاۋار تۇرلەرىنەن يمپورتقا تاۋەلدى. مىسالى, قانتتقا سۇرانىستىڭ 61%-ى, بالىققا 53% جانە ىرىمشىك پەن سۇزبەگە سۇرانىستىڭ 44%-ىن سىرتتان كەلەتىن تاۋارلار جابادى. سول سياقتى شۇجىق ونىمدەرىنەن دە يمپورتقا تاۋەلدىلىك بار. قازاقستان شوكولاد پەن مارمەلاد يمپورتىن ارتىرعان. 2023 جىلدىڭ قاڭتار-قازان ايلارىندا ەلگە 60 مىڭ توننادان استام شوكولاد اكەلىندى, بۇل وتكەن جىلدىڭ سايكەس كەزەڭىمەن سالىستىرعاندا 19%-عا كوپ. ءتاتتى ءونىم ساتىپ الۋعا $243,2 ملن كەتتى, LS اگەنتتىگى. شوكولادتىڭ 70%-دان استامى رەسەيدەن كەلدى. 43,1 مىڭ توننا. سونداي-اق, تۇركيا 5,8 مىڭ توننا, گەرمانيا 2,9 مىڭ توننا جانە يتاليادان -1 مىڭ توننا شوكولاد ساتىپ الىندى. پەچەنە مەن ءۆافليدىڭ كوبىن ەلىمىز رەسەيدەن, وزبەكستاننان, ۇلىبريتانيادان جانە وڭتۇستىك كورەيادان يمپورتتايدى. ال كامپيتتەر قىتايدان, مەكسيكادان, ۋكراينادان جانە رەسەيدەن اكەلىندى. دەگەنمەن, وتاندىق ءونىدىرىس دامىپ كەلەدى. قازاقستاندىق وندىرۋشىلەر سارى مايعا سۇرانىستى 80%-عا, ماكارون جانە ماكارون ونىمدەرى بويىنشا ىشكى نارىقتى 81%-عا, كۇرىش 87, ەت, قۇس ەتى جانە ەت ونىمدەرىنە سۇرانىستى 87% دەڭگەيدە قامتاماسىز ەتىپ وتىر. وڭدەلگەن ءسۇت ونىمدەرىنە قاتىستى دا كورسەتكىش جاقسى.
