Bıyl kýrorttyq aımaqtarda jańa áýejaılar salynady

Foto:  ulysmedia.kz.

Qazaqstanda avıaııa salasyndaǵy mańyzdy ınfraqurylymdyq jobalardy júzege asyrý bastaldy. Memleket basshysynyń tapsyrmasyna sáıkes, 2025 jyly Qatonqaraǵaı, Zaısan jáne Kendirli kýrorttyq aımaqtarynda jańa áýejaılar salynady. Qazirgi tańda bul nysandardyń jer ýchaskelerin rásimdeý jáne jobalaý jumystary júrgizilip jatyr, dep jazdy qandastar.kz

Avtomobıl joldary

2030 jylǵa deıin elimizde kólik ınfraqurylymyn jaqsartý boıynsha aýqymdy joba júzege asyrylady. Jańa avtojoldardyń jalpy uzyndyǵy 4,7 myń shaqyrym, onyń 3,7 myń shaqyrymy – I sanattaǵy joldar.

2025 jyly kelesi aýqymdy jobalar júzege asyrylady:

• Qyzylorda – Jezqazǵan (208 km)
• Aqtóbe – Ulǵaısyn (234 km)
• Qaraǵandy – Jezqazǵan (572 km)
• Saryaǵash qalasy aınalma joly (102 km)
• Qyzylorda qalasy aınalma joly (20 km)
• Qyzylorda – Sekseýil (470 km)
• Atyraý – Dossor (86 km)
• Rýdnyı qalasy aınalma joly (16,9 km)
• Jańaózen – Kendirli (156 km)
• Petropavl qalasy aınalma joly (8 km)
• Túrkistan qalasy aınalma joly (29,6 km)
• Astana – Qostanaı – RF-men shekara (830 km)
• Shymkent qalasy aınalma joly (48 km)
• Atyraý – Oral (ortasha jóndeý, 516 km)
• Atyraý – Shapaı (136 km)
• Almaty – Talǵar – Báıdibek bı (68 km)
• Almaty – Úshqońyr (48 km)
• Beıneý – Sekseýil (736 km)
• Jaıyq ózeni arqyly ótetin kópir (6,5 km)

Bul jobalardy iske asyrýǵa jalpy kólemi 9 trln-nan astam teńge  ınvestıııa kózdelgen. Qazir ınvestorlar tartý jumystary belsendi júrgizilip jatyr.

Temir jol jáne sý kóligi

Temir jol kóligi salasynda da birqatar aýqymdy modernızaııa josparlanǵan. 2025 jyly 225 jańa vagon satyp alynady.

«Dostyq – Moıynty» jobasy boıynsha temir jol qurylysy aıaqtalady, bul ótkizý qabiletin 5 esege arttyryp, táýligine 12-60 poıyz jubynyń úzdiksiz qozǵalysyn qamtamasyz etedi. Sonymen qatar «Almaty aınalma joly» jobasy júzege asyrylady.

Sondaı-aq «Dostyq – Beskól» jáne «Moıynty – Balqash» ýchaskelerinde qozǵalys ashý josparlanǵan. Bul sheshim kórsetilgen ýchaskelerdegi poıyz qozǵalysyn jaqsartýǵa jáne júk tasymaly máselelerin sheshýge kómektesedi.

Teńiz kóligi jáne Aqtaý porty

Teńiz kóligin damytý maqsatynda Aqtaý portynda konteınerlik hab salý jumystary bastaldy, bul porttyń ótkizý qabiletin jylyna 240 myń JFE-ge deıin arttyrady. Bul Qazaqstannyń halyqaralyq logıstıkadaǵy ornyn nyǵaıtyp, Ázerbaıjan, Grýzııa jáne Túrkııa arqyly ótetin Transkaspıı baǵytyndaǵy konteınerler tasymaly kólemin ulǵaıtýǵa, sondaı-aq Qytaıdan Eýropaǵa jetkiziletin tranzıttik júkterdiń bir bóligin qaıta baǵyttaýǵa múmkindik beredi.

Sonymen qatar portta tereńdetý jumystaryn júrgizý josparlanǵan. Bul onyń termınaldyq qýaty men konteınerlerdi tasymaldaýdyń tıimdiligin arttyrady.