Bıyl Nıý-Iorktiń áıgili sahnasy Madison Square Garden-de Dımashtyń konerti ótedi

Almatyda Dımash Qudaıbergenniń fan-kezdesýi ótip jatyr. Kezdesý barysynda ol Nıý-Iorktiń áıligi Madison Square Garden kesheninde Stranger konertin ótkizetinin jarııalady, dep habarlaıdy Qandastar.kz aqparattyq portaly Kazinform-ǵa silteme jasap. 

Konert bıyl 5 qarashada ótedi dep josparlanǵan. Buǵan deıin Dımash Qudaıbergenniń Stranger týry Barselona, Berlın, London, Rıga qalalarynda ótetini habarlanǵan bolatyn.

Sondaı-aq «Balqadısha» ánin tatamıde oryndap áleýmettik jelide tanymal bolǵan Isa Bekbolat Dımashtyń arnaıy shaqyrtýymen ónerpazdyń búgingi fan-kezdesýine keldi. 14 jastaǵy Isa alǵash ret úlken sahnada — Almaty Arena-ǵa jınalǵan 8 myńnan astam adamnyń aldynda án saldy. Dımash Qudaıbergen jas ónerpazǵa óziniń aq-tilegin aıtty.

Sondaı-aq Dımash kezdesýde Qytaı telearnasy kórsetetin ánshiler baıqaýynyń prodıýseri bolatynyn habarlady.

Odan bólek ánshi Almatyda ótken fan-kezdesýinde jankúıerleriniń suraqtaryna jaýap berdi. Dımashtyń fan-kezdesýine 40-tan astam elden jankúıerler kelgen.

Osy aıda Dımash Qudaıbergen belgili qazaq aqyny ári jazýshysy, qazaq ádebıetiniń negizin salýshylardyń biri Sáken Seıfýllınniń ánine túsirilgen jańa beınebaıannyń tusaýyn kesti.