«بيىل تاعى بۇيىرمادى»: ءانشى امرە ەڭبەگى ءۇشىن اتاق الماعانىن ايتتى

فوتو: جەلىدەن الىندى

Amre اتىمەن تانىلعان ءانشى ەرنار سادىرباي 30 جاسىنا دەيىن «ەڭبەك سىڭىرگەن قايراتكەرى» قۇرمەتتى اتاعىن الۋ ماقساتى ورىندالماعانىن ايتىپ, جازبا جاريالادى دەپ حابارلادى Qandastar.kz اقپارات پورتالى.

ءانشى ءوزىنىڭ بىراقاتار حالىقارالىق بايقاۋلار ەل اتىنان توبە كورسەتىپ جۇرسە, بيىل تاعى دا ماراپات الماعانىن ايتتى.

«مەنەن باسقاسىنىڭ بارلىعى مەملەكەتتىك اتاق العان سياقتى ما? مەن 30 جاسىما دەيىن «ەڭبەك سىڭىرگەن قايراتكەرىن» الۋ ماقساتىم بولعان. ەستارادا ءانشىسىنىڭ مانسابىنداعى ەڭ ماڭىزدى دەگەن بارلىق كونكۋرستارىنا بارىپ, توبە كورسەتسەم دە, بيىل ماعان تاعى دا بۇيىرتپاپتى… حايىر! ەش رەنىش ەمەس, 30 جاسىما دەيىن الامىن – دەگەن پەندەلىك ارمانىم بولعان, 30-دان كەيىنگە قالدى ەندى بۇيىرتسا. ارىپتەستەرىمدى ماڭىزدى ماراپاتتارىمەن قۇتتىقتايمىن», — دەپ جازدى ەرنار سادىرباي.