جاڭالىقتار
بيىل تاۋارلى ءسۇت فەرماسى قۇرىلىسىنا 100 ملرد تەڭگە بولىنەدى
اشم باسشىسىنىڭ ورىنباسارى سولتۇستىك قازاقستان وبلىسى نەگىزىنەن ءداندى داقىلداردىڭ تورتتەن ءبىرى جانە مايلى داقىلداردىڭ ۇشتەن ءبىرى وسىرىلەتىن, ساپالى جانە باسەكەگە قابىلەتتى ءونىم وندىرىلەتىن اگرارلىق ءوڭىر ەكەنىن اتاپ ءوتتى. 2023 جىلى ءوڭىردىڭ اوك سالاسىنا 192 ملرد تەڭگە ينۆەستيتسيا تارتىلدى, بۇل رەسپۋبليكاداعى جالپى كولەمنىڭ 17% قۇرايدى.
ايماقتىڭ ماڭىزدى جوبالارىنىڭ ءبىرى – وتكەن جىلى ءساتتى باستالعان ينۆەستيتسيالىق جوبالاردى جەڭىلدىكپەن قارجىلاندىرۋ تاجىريبەسىن قايتالاۋ. وسى تەتىكتىڭ ارقاسىندا سولتۇستىك قازاقستان وبلىسىندا 2 جىل ىشىندە 21 تاۋارلى ءسۇت فەرماسى سالىنىپ, 2023 جىلى شيكى سيىر ءسۇتىن تاۋارلى ءوندىرۋ كولەمى 574,1 مىڭ توننانى قۇرادى. 2023 جىلى رەسپۋبليكا بويىنشا 65 تسف قۇرىلىسىنا 100 ملرد تەڭگە, ال 2024 جىلى ءدال وسىنداي قاراجات ءبولىندى. امانعالي بەردالين اۋىل شارۋاشىلىعى مينيسترلىگى ينۆەستورلار ءۇشىن بارلىق جاعدايدى جاساپ, ولارعا جان-جاقتى قولداۋ كورسەتۋگە دايىن ەكەنىن جەتكىزدى.
سونىمەن قاتار, ۆيتسە-مينيستر جالپى قازاقستاننىڭ قانداي ينۆەستيتسيالىق ارتىقشىلىقتارعا يە ەكەنىن ءتۇسىندىردى. اتاپ ايتقاندا, رەسپۋبليكا استىق دەرجاۆاسى رەتىندە جىل سايىن 40-تان استام ەلدىڭ نارىعىنا 8 ملن تونناعا جۋىق استىق جەتكىزەدى. سوڭعى جىلدارى ەل ۇن ەكسپورتى بويىنشا جىل سايىن 2,5 ملن تونناعا دەيىن ءونىم ەكسپورتتاي وتىرىپ, الەمدە كوشباسشى ورىندا تۇر. ەڭ ماڭىزدىسى جەردىڭ جارتىسىنان استامىن, ياعني, 220 ملن گەكتاردى اۋىل شارۋاشىلىعى القاپتارى قۇرايدى.
سونداي-اق, زاڭنامالىق دەڭگەيدە ينۆەستيتسيالار تارتۋ ءۇشىن جۇيەلى شارالار رەتىندە بىرقاتار جەڭىلدىكتەر مەن پرەفەرەنتسيالار, سونداي-اق اوك باسىم باعىتتارى بويىنشا شىعىنداردى 25% -دان 50% -عا دەيىن ينۆەستيتسيالىق سۋبسيديالاۋ كوزدەلگەن. اعىمداعى جىلى بۇل ماقساتقا 124,4 ملرد تەڭگە (سقو – 18,7 ملرد تەڭگە) قاراستىرىلعان.
سونداي-اق ينۆەستيتسيا تارتۋدىڭ جۇيەلى شارالارى رەتىندە زاڭنامالىق دەڭگەيدە بىرقاتار جەڭىلدىكتەر مەن پرەفەرەنتسيالار, اگروونەركاسىپتىك كەشەننىڭ باسىم باعىتتارى بويىنشا شىعىنداردى 25%-دان 50%-عا دەيىن ينۆەستيتسيالىق سۋبسيديالاۋ قاراستىرىلعان. اعىمداعى جىلى بۇل ماقساتتارعا 124,4 ملرد.تەڭگە قاراستىرىلعان (سقو – 18,7 ملرد.تەڭگە).
