جاڭالىقتار
«ءبىز نەگە باي ەمەسپىز»: دەپوزيتكە اقشا جيناپ جۇرگەن 5 جاسار بالانىڭ ارەكەتى كوپشىلىكتى ءسۇيسىندىردى
ء“اپشۋ” كەسىپ, العاشقى 300 مىڭ تەڭگەنى دەپوزيتكە سالعالى جاتىرمىز.
الەۋمەتتىك جەلىدە سۇندەتكە وتىرعىزىلعان 5 جاستاعى باقداۋلەتتىڭ ۆيدەوسى قازاقستاندىقتاردى ءسۇيسىندىردى. وندا ول كورىمدىك رەتىندە جينالعان اقشاعا ويىنشىق ساتىپ الۋدىڭ ورنىنا ونى دەپوزيتكە جينايتىنىن ايتادى, دەپ حابارلايدى Skifnews.kz اقپارات پورتالى qandastar.kz-كە سىلتەمە جاساپ.
قازاقستاندىقتىردى اقىلىمەن سۇيسىندەرگەن باقداۋلەت ۆيدەوسىندا كورىمدىككە بەرىلگەن 300 مىڭ تەڭگەنى قايدا جۇمسايتىنىن ايتادى. ونىڭ بۇل ارەكەتىنەن اقشانى باسقارا الاتىنىن بايقاۋعا بولادى.
«دوستار, مىناۋ – مەنىڭ سۇندەتتەلگەننەن كەيىن تاپقان اقشام. ء“اپشۋ” كەسىپ, العاشقى 300 مىڭ تەڭگەنى دەپوزيتكە سالعالى جاتىرمىز. مۇنى ەرتەڭ مامام دەپوزيتكە جينايمىن دەدى. بۇگىن بە, ەرتەڭ بە بىلمەيمىن. بۇل اقشاعا كەرەمەت ءۇي الامىن. كولىگىمەن قوسىپ, ساتىپ الامىن. نەگىزىندە بۇل اقشاعا ويىنشىق الامىن دەپ ويلاپ ءجۇردىم. بىراق ويىنشىق الۋدان باس تارتتىم. ويىنشىق كەرەك ەمەس, سىنىپ قالادى. وسى اقشادان ءبىز بايىپ كەتەيىك. MrBeast سياقتى اقشامىز كوپ بولسىن», – دەيدى بالا ۆيدەودا.
جەلى قولدانۋشىلارى بالانىڭ قىلىعىنا تاڭدانىپ, جىلى تىلەكتەرىن جارىسا جازدى.
«بولار بالا بوعىنان» دەپ بەكەر ايتپاعان اتام قازاق», «بالا بالا كەزىندە دۇنيەمەن ەمەس, ويىنشىقپەن ويلاۋى كەرەك. ۇلكەيگەندە باسقاسىنا باس قاتىرۋعا ۇلگەرەدى», «بولاشاق ميلليونەر», «وسى اقشاڭ كوبەيىپ دەگەنىڭە, ارمانىڭا جەت باتىرىم. اقىلىڭنان سول…», «سول ايتىپ جۇرگەن جۇرتتىڭ بالاسى», «جاستايىنان قارجىلاي ساۋاتتى دەگەن وسى. دەپوزيت دەگەن ءتاتتى تىلىنەن. كوز تيمەسىن», – دەدى وقىرماندار.
باقداۋلەتتىڭ دەپوزيتكە اقشا جيناۋ تۋرالى قايدان بىلگەنىن اناسى مادينا كۇزەمبايدان سۇرادىق. ونىڭ ايتۋىنشا, ۇلكەن ۇلدارى ولاردى ارقاشان جىگەرلەندەرىپ, باي بولۋعا يتەرمەلەپ جۇرەدى.
