«Bizdiń bokstaǵy problemalar baıaǵydan bastalǵan» – mınıstr Ermek Marjyqpaev

Foto: ashyq derekkóz

Qazaqstannyń týrızm jáne sport mınıstri Ermek Marjyqpaev Parıjdegi Olımpıada oıyndaryna qatysqan otandyq sportshylarǵa qatysty túsinikteme berdi, dep habarlaıdy qandastar.kz Alash.KZ ulttyq portalyna silteme jasap.

«Árıne, biz búgin sportta Azııa oıyndarynan keıin, Olımpıadalyq oıyndardan keıin kóptegen suraq týǵanyn, boksta da, tennıste de óte kúrdeli problemalar bar ekenin kórip otyrmyz. Úıge barǵannan keıin barlyǵynyń esebi bolady, – dedi ol 24kz telearnasyna bergen suhbatynda.

Bul rette ol qazaqstandyq boksshylardyń jekpe-jegi týraly arnaıy aıtty.

«Eger boksshylar týraly aıtatyn bolsaq, árıne, biz jankúıerlerdiń kúızelisterin jaqsy túsinemiz, óıtkeni bul Qazaqstandaǵy birinshi sport túri. El boksshylar úshin alańdady dep aıtýǵa bolady. Biraq, ókinishke qaraı, problemanyń bary ras», – dep atap ótti mınıstr.

Marjıkpaev o vystýplenıı sbornoı Kazahstana na Olımpıade (youtube.com)

Onyń pikirinshe, bokstaǵy problemalar baıaǵyda bastalǵan. Buǵan Tokıodaǵy jazǵy Olımpıada oıyndarynyń nátıjeleri dálel boldy, onda sportshylar tek eki qolany jeńip aldy.