بقو-دا دەپارتامەنت قىزمەتكەرى 75 ملن تەڭگە پارا العان

فوتو: اشىق دەرەككوز

بقو قىلمىستىق ىستەر جونىندەگى مامانداندىرىلعان اۋدانارالىق سوتى گرۋزيادان ەكستراديتسيالانعان بقو بويىنشا مەملەكەتتىك كىرىستەر ورگاندارىنىڭ بۇرىنعى قىزمەتكەرىنە اسا ءىرى مولشەردە پارا العانى ءۇشىن ۇكىم جاريالادى, دەپ حابارلايدى qandastar.kz

سوت پروتسەسى بارىسىندا كولىك پروكۋراتۋراسىنىڭ مەملەكەتتىك ايىپتاۋشىسى سوتتالۋشىنىڭ مەملەكەتتىك فۋنكتسيالاردى ورىنداۋعا ۋاكىلەتتى تۇلعا بولا وتىرىپ, 2021 جىلعى جەلتوقسان مەن 2022 جىلعى قىركۇيەك ارالىعىندا قازاقستان-رەسەي شەكاراسىنداعى اۆتوموبيل وتكىزۋ پۋنكتى ارقىلى كولىك قۇرالدارىنىڭ كەدەرگىسىز ءوتۋى ءۇشىن 75 720 000 تەڭگە سوماسىندا پارا العانىن دالەلدەدى, – دەلىنگەن حابارلامادا.

سوتتالعان مەملەكەتتىك جانە قارجى ۇيىمدارىندا جۇمىس ىستەۋ قۇقىعىنان جانە 10 جىلعا باس بوستاندىعىنان ايىرىلدى. سونىمەن قاتار, سوت م ۇلىكتى تاركىلەۋدى قولدانىپ سوتتالۋشىدان پارا سوماسىن ءوندىرىپ الدى.

سوت ۇكىمى زاڭدى كۇشىنە ەنگەن جوق.