بقو-عا دەسانتشىلار كومەككە كەلدى

باتىس قازاقستان وبلىسىنداعى ماگيسترالنىي اۋىلىنىڭ تۇسىندا, ەكى شاقىرىمنان استام اۋماققا سۋ جايىلعان. جەرگىلىكتى تۇرعىندارعا قول ۇشىن بەرۋگە دەسانتتىق-شابۋىلداۋ اسكەرىنىڭ 300-دەن استام اسكەري قىزمەتشىسى كومەككە كەلدى.  دەسانتشىلار جايىق, كوشىم جانە دەركول وزەندەرىنىڭ جاعالاۋلارىن نىعايتۋعا جۇمىلدىرىلدى. جۇمىس اۋماعى ەكى جارىم شاقىرىمدى قۇرايدى. بيىكتىگى, ءتورت مەتر بوگەت سالۋ ءۇشىن شامامەن 5 مىڭ قاپ قۇم قاجەت. تاسقىن سۋ تۇرعىن ۇيلەرگە, قاۋىپ ءتوندىرىپ تۇر. تاتيانا يسكاكوۆا, اۋىل تۇرعىنى: — بۇل شىنىمەن دە قورقىنىشتى ەدى.

اكىمدىك بوگەت سالۋ جۇمىستارىن ۇيىمداستىردى. وعان بارلىق جاسوسپىرىمدەر, ايەلدەر مەن قالادان كەلگەن ەرىكتىلەر قاتىستى. ال بۇگىن نەمەرەلەرىم جۇگىرىپ كەلىپ, ساربازدار كەلىپ جاتقانىن ايتتى. ولار ءبارى جاقسى بولاتىنىنا سەنىمدى. ويتكەنى ءبىزدىڭ وسىنداي قورعاۋشىلارىمىز بار.