BQO-ǵa kómekke barǵan 3 myńdaı qyzmetker óz qalasyna qaıtty

Batys Qazaqstan oblysyna kómekke barǵan Tótenshe jaǵdaı men Qorǵanys mınıstrligi, Ulttyq qaýipsizdik komıteti men Ulttyq ulanǵa qarasty áskerı bólimderdiń 3 myńdaı qyzmetkeri búgin óz qalasyna attandy.

Jan-jaqtan jedel jetken kúshtik qurylymdardyń jáne jergilikti eriktilerdiń arqasynda 20 kúnde oblys ortalyǵy men 84 eldi mekende 140 shaqyrymdaı damba turǵyzyldy, burynǵy bógetter nyǵaıtyldy. Reseıdegi Irekti sý qoımasynan mol sý tastalýyna baılanysty bıyl Jaıyq ózeni 10-11 metrge deıin kóterilýi múmkin delingen edi. Alaıda «Qazgıdromettiń» boljamy kelmedi. Darııa deńgeıi 8 metr 65 santımerden aspady. Sońǵy 4 táýlikte ózen 10 santımetrge tústi. Sanat Muqanov, Semeı qalasy 28738 áskerı bólimi dıvızıon komandıriniń orynbasary: — Kelgennen bastap sarbazdarymyz tynym tappaı, Jaıyq ózeni jaǵalaýyn buǵattaý men qalaǵa qaraı sýdyń jaıylýynyń aldyn alyp, óte úlken eńbek etti.

Baqytjan Narymbetov, BQO ákiminiń orynbasary: — 3 myńnan astam áskerıler kelip, úlken qoldaý kórsetti. Bul Batys Qazaqstan oblysynda 84 eldi mekenniń qaýipsiz qalýyna, halqymyzdyń aman-saý qalýyna úlken septigin tıgizdi. Sol úshin barsha kelgen qoldaýshylarǵa, áskerılerge qutqarýshylarǵa BQO atynan alǵys bildiremiz.