بقو قوقىسىن وڭدەۋگە ينۆەستوردى تارتۋ جوسپارلانىپ وتىر

باتىس قازاقستان وبلىسىندا تۇرمىستىق قاتتى قالدىقتىڭ 18 پايىزى عانا قايتا وڭدەلەدى. جىل سايىن وڭىردە 124 مىڭ توننا قوقىس جينالادى ەكەن. ال ونى كادەگە جاراتىپ, قايتا وڭدەۋ جاعى كەمشىن. بۇل ماسەلەنى شەشۋ ءۇشىن جەرگىلىكتى بيلىك ينۆەستورلار تارتۋدى جوسپارلاپ وتىر.

جىل سايىن وبلىس ورتالىعىنان 300 توننا قوقىس شىعارىلادى.

ونى سۇرىپتاتاعاننان كەيىن جارامسىز بولىگى ارنايى پوليگوندا زالالسىزداندىرىلادى. ورالدا تۇرمىستىق قالدىقتاردى شىعارۋمەن جەرگىلىكتى كومپانيا اينالىسادى. كاسىپورىن باسشىلىعى اۆتوپاكرتى جاڭالاۋ ءۇشىن جەڭىل پايىزدى نەسيەلەندىرۋگە ارنالعان باعدارلاماعا ءۇمىت ارتىپ وتىر.

راۆحات داناعۇلوۆ, كاسىپورىن ديرەكتورى: — ون دانا قوقىس تاسىمالدايتىن كولىككە تاپسىرىس بەرىپ, كۇتىپ وتىرمىز. ءبىزدىڭ تاپسىرىس ماقۇلدانادى دەپ ۇمىتتەنەمىز. بۇل باعدارلامانىڭ نەسيەسى 3 پايىزدىق ۇستەمەمەن15 جىلعا بەرىلەدى.  جىل سايىن وڭىردە 100 مىڭ توننادان استام قوقىس جينالادى.

بۇل سالادا 18 كومپانيا قىزمەت كورسەتكەنىمەن, ونىڭ تەك ەكەۋى عانا تۇرمىستىق قالدىقتاردى وڭدەۋمەن اينالىسادى. وڭىردە بۇل سالا كەنجە قالىپ وتىر. دەگەنمەن, جەرگىلىكتى بيلىك قوقىستى وڭدەۋ- تابىستى كاسىپ ءتۇرى بولارىنا سەنىمدى. قازىر ولار ينۆەستور ىزدەۋگە كىرىسكەن. مارات مولداشەۆ, تابيعي رەسۋرستار جانە تابيعاتتى پايدالانۋدى رەتتەۋ باسقارماسىنىڭ باسشىسى: — 6 كاسىپورىن قالدىقتاردى وڭدەۋ ارقىلى قاعاز جانە اينەك شىعارۋعا نيەت ءبىلدىردى. سونىمەن قاتار قوقىستى وڭدەۋ جانە نىعىزداپ جيناۋعا ارنالعان قۇرىلعى ساتىپ العىسى كەلەتىندەر دە بار.

جۋىردا ۇكىمەت ينۆەستورلاردى جەڭىلدەتىلگەن قارجىلاندىرۋ تەتىگىن بەكىتتى. مەملەكەتتىك قولداۋدىڭ ارقاسىندا كاسىپورىنداردىڭ ارنايى تەحنيكا, سۇرىپتاۋ جەلىلەرىن ساتىپ الۋىنا ءتيىمدى مۇمكىندىك اشىلدى. ەكولوگيا ءمينيسترىنىڭ ايتۋىنشا, بۇل سالانى قارجىلاندىرۋ ونەركاسىپتى دامىتۋ قورى ارقىلى جۇزەگە اسادى. ەرلان نىسانباەۆ, قر ەكولوگيا جانە تابيعي رەسۋرستار ءمينيسترى: — ءبىز كاسىپكەرلەرمەن جانە جاسىل دامۋمەن بىرنەشە كەزدەسۋلەر وتكىزدىك. وسىلايشا قۇنى 232 ملرد تەڭگەنى قۇرايتىن 94 جوبا ىرىكتەلدى.

ونىڭ ىشىندە 46 ملرد تەڭگە ينۆەستورلاردىڭ قارجىسى. ءبىراز ۋاقىت بۇرىن پايدالانۋ مەرزىمى اياقتالعان قالالىق قوقىس پوليگونىنىڭ دا ماسەلەسى كوپ ۇزاماي شەشىلەدى. ونى قالپىنا كەلتىرۋگە ارنالعان جوبانىڭ سمەتالىق قۇجاتى مەملەكەتتىك ساراپتامادان ءوتىپ جاتىر.