BQO QOQYSYN О́ŃDEÝGE INVESTORDY TARTÝ JOSPARLANYP OTYR

Batys Qazaqstan oblysynda turmystyq qatty qaldyqtyń 18 paıyzy ǵana qaıta óńdeledi. Jyl saıyn óńirde 124 myń tonna qoqys jınalady eken. Al ony kádege jaratyp, qaıta óńdeý jaǵy kemshin. Bul máseleni sheshý úshin jergilikti bılik ınvestorlar tartýdy josparlap otyr.

Jyl saıyn oblys ortalyǵynan 300 tonna qoqys shyǵarylady.

Ony suryptataǵannan keıin jaramsyz bóligi arnaıy polıgonda zalalsyzdandyrylady. Oralda turmystyq qaldyqtardy shyǵarýmen jergilikti kompanııa aınalysady. Kásiporyn basshylyǵy avtopakrti jańalaý úshin jeńil paıyzdy nesıelendirýge arnalǵan baǵdarlamaǵa úmit artyp otyr.

Ravhat Danaǵulov, kásiporyn dırektory: — On dana qoqys tasymaldaıtyn kólikke tapsyrys berip, kútip otyrmyz. Bizdiń tapsyrys maquldanady dep úmittenemiz. Bul baǵdarlamanyń nesıesi 3 paıyzdyq ústememen15 jylǵa beriledi.  Jyl saıyn óńirde 100 myń tonnadan astam qoqys jınalady.

Bul salada 18 kompanııa qyzmet kórsetkenimen, onyń tek ekeýi ǵana turmystyq qaldyqtardy óńdeýmen aınalysady. О́ńirde bul sala kenje qalyp otyr. Degenmen, jergilikti bılik qoqysty óńdeý- tabysty kásip túri bolaryna senimdi. Qazir olar ınvestor izdeýge kirisken. Marat Moldashev, Tabıǵı resýrstar jáne tabıǵatty paıdalanýdy retteý basqarmasynyń basshysy: — 6 kásiporyn qaldyqtardy óńdeý arqyly qaǵaz jáne áınek shyǵarýǵa nıet bildirdi. Sonymen qatar qoqysty óńdeý jáne nyǵyzdap jınaýǵa arnalǵan qurylǵy satyp alǵysy keletinder de bar.

Jýyrda Úkimet ınvestorlardy jeńildetilgen qarjylandyrý tetigin bekitti. Memlekettik qoldaýdyń arqasynda kásiporyndardyń arnaıy tehnıka, suryptaý jelilerin satyp alýyna tıimdi múmkindik ashyldy. Ekologııa mınıstriniń aıtýynsha, bul salany qarjylandyrý ónerkásipti damytý qory arqyly júzege asady. Erlan Nysanbaev, QR Ekologııa jáne tabıǵı resýrstar mınıstri: — Biz kásipkerlermen jáne Jasyl damýmen birneshe kezdesýler ótkizdik. Osylaısha quny 232 mlrd teńgeni quraıtyn 94 joba irikteldi.

Onyń ishinde 46 mlrd teńge ınvestorlardyń qarjysy. Biraz ýaqyt buryn paıdalaný merzimi aıaqtalǵan qalalyq qoqys polıgonynyń da máselesi kóp uzamaı sheshiledi. Ony qalpyna keltirýge arnalǵan jobanyń smetalyq qujaty memlekettik saraptamadan ótip jatyr.