Bloomberg: Qulybaev memleketke 1 mlrd dollar tóleý jóninde kelissóz júrgizip jatyr

Foto:NOK

Qazaqstandyq mıllıarder Tımýr Qulybaev eldiń burynǵy prezıdenti, qaıynatasy Nursultan Nazarbaevtyń bıligi kezinde jınaǵan baılyǵyna qatysty úkimettiń tergeýi aıasynda memleketke 1 mlrd dollar tóleý jóninde kelissóz júrgizip jatyr. Bul týraly 5 aqpanda osy jaǵdaımen tanys derekkózderine súıenip Bloomberg agenttigi jazdy, dep habarlady qandastar.kz

«Kelisimge keler bolsa, Nursultan Nazarbaevtyń kúıeýbalasy Tımýr Qulybaev qarjynyń bir bóligin aqshalaı, qalǵanyn ınvestıııa túrinde tóleıdi», – dep habarlady agenttik.

Bloomberg derekkózderiniń málimetinshe, Qulybaev tólem jasaǵanmen, bul onyń kinásin moıyndaý degendi bildirmeıdi.

Agenttiktiń jazýynsha, Qulybaevtyń ókili bul másele memlekettik isterge qatysty dep, tikeleı pikir bildirýden bas tartqan, biraq «kez kelgen tólemdi aktıvterdi qaıtarý dep ataǵan durys emes» dep aıtqan. Mıllıarderdiń ókili «osy jyldar ishinde Qulybaev eldiń ekonomıkalyq jáne áleýmettik damýyna eleýli úles qosty jáne «osy baǵytta úkimetpen ózara áreket etýdi jalǵastyryp otyr» dep jaýap bergen.

Byltyr qarashada jergilikti medıalar Tımýr Qulybaev pen Qazaqstan prokýratýrasy sottasyp jatyr degen aqparat taratqan. Iste kásipker Qulybaevtyń jaýapker ekeni jazylǵan edi. Al aryz ıesi retinde Bas prokýratýraǵa qaraıtyn aktıvterdi qaıtarý jónindegi komıtet kórsetilgen.

QazTAG, Orda, Kursiv jáne ózge de birqatar saıt jarysa habar taratqanymen, derek eń aldymen Nege Aqsha dep atalatyn telegram-arnaǵa shyqqan. Arna avtorlary sot kabınetindegi qujattyń skrınin jarııalap, isti 18 qarashadan bastap Almaty qalalyq soty qarap jatyr dep jazǵan.

Bir aı buryn kásipkerdiń zańsyz ıemdenilgen aktıvterdi qaıtarý zańy aıasyndaǵy qupııa reestrge kirgeni týraly resmı rastalmaǵan aqparat ta osy arnada paıda bolǵan. Zańǵa sáıkes, aktıvterdi qaıtarý jónindegi komıtet te, komıssııa da baılyǵy tekseriletin adamdar tiziminde kimder baryn jarııalamaıdy.

Azattyq sol ýaqytta Almaty qalalyq sotynyń ókiline habarlasyp, komıtet pen kásipker arasyndaǵy sot jaıly aqparat suraǵanda, baspasóz qyzmetiniń ókili jaýap berýden bas tartqan edi. Al sot kabınetinde eki taraptyń arasynda qandaı da bir sot proesi ótip jatqany týraly aqparat bolmady.