«بودي ماسساج جاساتادى»: اتىراۋ مەشىتىنىڭ قىزمەتكەرلەرى يمامنىڭ ۇستىنەن ارىزداندى

فوتو: جەكە قورىنان

ەڭ سوراقىسى, يمامنىڭ ءتانىن ساتاتىن جەڭىلتەك قىزدارعا بارىپ, بودي ماسساج جاساتىپ, جىنىستىق قاتىناسقا تۇسەتىنىن ءدۇيىم جاماعات بىلەدى.

اتىراۋ قالاسىنداعى «قۇسپان مولدا» مەشىتىنىڭ قىزمەتكەرلەرى يمام ەممات عۇماروۆتىڭ ۇستىنەن ارىزدانىپ, جۋرناليست وراز الىمبەككە حات جازعان, دەپ حابارلايدى  qandastar.kz Skifnews.kz اقپارات پورتالىنا سىلتەمە جاساپ.

ءجۋرناليستىڭ الەۋمەتتىك جەلىگە جاريالاعان دەرەگىن قاز-قالپىندا نازارىڭىزعا ۇسىنامىز.

«اتىراۋ جاماعاتى ماعان ارىز جازىپتى…

تومەندەگى ارىزدا ايتىلعان ايىپتاۋدىڭ راس ياكي وتىرىگىن بىلمەدىم. ءمۇفتيات قالاي دا جاماعاتتىڭ جانايقايىنا نازار اۋدارىپ, وسى ارىز بويىنشا تەكسەرۋ جۇرگىزۋى ءتيىس. سەبەبى, مەشىت يمامىن تاعايىنداۋ باس ءمۇفتيدىڭ بۇيرىعى بويىنشا جۇزەگە اسادى. ال مەنىڭ قولىمدا تۇرعان نە بار?!. مەن اقيقات پەن ادىلدىك ىزدەگەن جالاڭاياق ءجۋرناليستىڭ ءبىرىمىن عوي.

«قۇرمەتتى وراز الىمبەكوۆ مىرزا!

ءبىز اتىراۋ قالاسى, «قۇسپان مولدا» مەشىتىنىڭ جاماعاتى مەشىت يمامى ەممات عۇماروۆتىڭ ۇستىنەن باس ءمۇفتي ناۋرىزباي وتپەنوۆكە قانشاما رەت ارىزدانساق تا, وسى ۋاقىتقا دەيىن وعان بايلانىستى ەشقانداي شارا قولدانىلعان ەمەس. سەبەبى ەممات عۇماروۆ وزىنە لايىقسىز, بىراق اسىل ءدىنىمىز ارقىلى پايدا تاباتىن مەشىت مىنبەرىن ساقتاپ قالۋ ءۇشىن ءمۇفتيات باسشىلىعىنا اتىراۋدىڭ بەكىرەسىمەن قارا ۋىلدىرىعىن اي سايىن جىبەرىپ تۇرادى.

ودان قالسا اتىراۋلىق كاسىپكەرلەر مەن مەتسەناتتاردىڭ ارقاسىندا ابدەن بايىدى,سونىڭ ارقاسىندا ءۇيىر-ءۇيىر جىلقىسى,جۇزدەگەن تۇيە مەن سيىر-قويى بار. سونىمەن قاتار ەممات عۇماروۆ قۇراندى ءتاجۋيد بويىنشا قاتە وقيدى, ءدىني ءبىلىمى وتە ناشار.

ەڭ سوراقىسى, ءتانىن ساتاتىن جەڭىلتەك قىزدارعا بارىپ, بودي ماسساج جاساتىپ, جىنىستىق قاتىناسقا تۇسەتىنىن ءدۇيىم جاماعات بىلەدى.

دىنىمىزدە تيىم سالىنعان تەمەكى, ناسىباي, اناشا دا شەگەدى.

ءوزى قۇددى ءبىر يمام ەمەس, تەاتردا قىزمەت جاسايتىن سايقىمازاق سەكىلدى ۇنەمى بىلاپىت-كورگەنسىز انەكدوتتار ايتادى.

ەممات عۇماروۆ 30-جىل بويى ەلدى سورلاتىپ, ءسالافيزمنىڭ قازاقستاندا تارالۋىنا مۇددەلى نۇرسۇلتان نازارباەۆتى ۇنەمى ماداقتاۋىن توقتاتقان ەمەس.

قۇرمەتتى وراز اعا!

ءسىز ءداستۇرلى ءدىنىمىزدى جەمقور جانە امورالدى يمامداردان مەيلىنشە قورعاپ جۇرگەن قازاقستانداعى جالعىز ءجۋرناليستسىز, وسى جانايقايمىزدى ءدۇيىم حالىققا جاريالاۋىڭىزدى وتىنەمىز.

قۇرمەتپەن:

«قۇسپان مولدا» مەشىتىنىڭ ءبىر توپ جاماعاتى», – دەلىنگەن جۋرناليست جاريالاعان حاتتا.