Bodı massajdan 1,5 mıllıard teńge tapqan: Qazaqstandyq áıeldiń múlki tárkilendi

Foto: depositphotos.com

Bodı massaj salonyn ashqan qazaqstandyq áıeldiń 1,5 mıllıard teńge múlki tárkilendi, dep jazdy qandastar.kz

Bul týraly Stan.kz aqparat agenttigi habarlaıdy.

Bul týraly qarjy monıtorıng agenttigi tóraǵasynyń orynbasary Jeńis Elemesov málimdedi. Onyń aıtýynsha, belgisiz azamatsha bodı massaj qyzmetteri kórsetilgen SPA-ortalyq ashqan.

«Áıel jeńgetaılyq úshin sottaldy, 4 jylǵa bas bostandyǵynan aıyryldy. Memleket kirisine 114 mıllıon teńge tárkilendi», – dedi Jeńis Elemesov.

Agenttik ókiliniń aıtýynsha, qarjylyq jaǵy muqııat zerttelgen kezde, atalǵan azamatshanyń qol astynda 15 qyz jumys istegeni anyqtalǵan. Olar kúnine 3-4 klıentke qyzmet kórsetken. Qyzmet quny orta eseppen 30 myńnan 150 myń teńgege deıin bolǵan.

«Orta eseppen eki jyl ishinde onyń qylmystyq jolmen tapqan tabysy 2 mıllıard teńgeden asýy tıis edi. Osyǵan baılanysty biz tergeýdi bastap, 1,5 mıllıard teńgeden astam somadaǵy aktıvterin anyqtadyq. Olardyń qatarynda páterler, kommerııalyq nysandar men lıýks avtokólikter bar», – dedi Elemesov.

Onyń aıtýynsha, áıel qarajattyń bir bóligin áıel aýyl sharýashylyǵy ónimderin satyp alyp, qaıta satýmen aınalysatyn bıznes-jobaǵa salyp úlgergen. Osy jobadan da tabys tapqan.

«Bul qarajattyń barlyǵy esepke alynyp, naqty kólemi anyqtaldy. 1,5 mıllıard teńge kólemindegi múlikke tyıym salynyp, memleket kirisine tárkilendi», – dedi agenttik tóraǵasynyń orynbasary.

Eske salsaq, buǵan deıin ishki ister mınıstri bodı massaj ben kyzdar.net saıtynyń jumysy týraly pikir bildirgen edi.