BО́GET TASQYNǴA TOSQAÝYL BOLA MA?

Soltústik Qazaqstan oblysyndaǵy Teplıchnyı aýylynda qorǵanys bógeti nyǵaıtylady. Qazir áskerı bólimniń sarbazdary kómekke kelip, tasqynǵa qarsy qum daıyndap jatyr.

Petropavl mańyndaǵy eldi mekenge kóktem saıyn qar sýy men Esil ózeni qaýip tóndiredi. Aıdarbek Aıtmuhambetuly, tilshi: — Teplıchnyı aýylynyń turǵyndary 2017-niń kóktemin áli kúnge deıin umytqan joq. Ol jyly Esil ózeni qatty tasyp, eldi mekenniń 40-qa jýyq úıin sý basyp qalǵan bolatyn. Teplıchnyı aýyly Petropavldan nebári bes shaqyrym qashyqta ornalasqan. 400-den artyq úı bar. Jergilikti turǵyndar jeti jyl burynǵy tasqyndy áli kúnge umyta qoımaǵan.

Nıkolaı Alekseev, Teplıchnyı aýylynyń turǵyny: — 2017 jyly sýdyń deńgeıi bógetpen birdeı boldy. Úıler men saıajaılar sý astynda qaldy. Bıyl da qar kóp. Árıne alańdaımyz. Sol tasqynnan keıin aýylda bıiktigi 3 metrge jetetin bóget salyndy. Sodan beri kóktem saıyn tasıtyn Esil men qar sýyna tótep beredi. Bıyl ony nyǵaıtý úshin 6 myń qap qum daıyndalyp jatyr. Dáýren Ramazanov, Prıbrejnyı aýyldyq okrýginiń ákimi: — Is-sharalar mynaý trýbalar tazalanyp, joldar keńeıtilip, sol joldyń jıegindegi mynaý dambynyń ústindegi tezirek erip, qary kepsin dep sol ústindegi qarlardy da tazalap sóıtip qarlardy shyǵaryp, sondaı jumystar júrgizilip jatyr qazirgi tańda. О́ńirde sý basýy múmkin degen 87 eldi meken baqylaýǵa alyndy. Sınoptıkterdiń aıtýynsha, tasqynnyń alǵashqy tolqyny sáýirdiń basynda bastalýy múmkin.