“Boıkot! Jastar bolyp toı jasaýdy doǵarý kerek”: Jelide jigit kópshilikke úndeý tastady

Jelide jas jigit Qazaq eline úndeý jasap, ysyrapshyldyqtan bas tartyp, asta-tók toı jasaýdy doǵarýǵa shaqyrdy, dep jazady  qandastar.kz  Alash.kz ulttyq portaly.

“Dostar, bir aýyzdan toı degen nárseni doǵaraıyqshy. Jasy 56-57 shamasyndaǵy áıel keldi. “Balam, maǵan 5-6 mln kredıt shyǵaryp bershi. Seniń qolyńnan keledi ǵoı” deıdi. Men ol kisiden “Ne sebepti kredıt kerek?” dep suraımyn. “Balamnyń toıyn jasaý kerek” deıdi.

Men sol nárseni túsinbeımin. Sóıtip ol ápkeni renjitpeı, biraq jaı suradym. “Bala-shaǵańyz aldaǵy ýaqytta sizben birge tura ma? Bólek shyǵa ma?” desem, “Bólek shyǵady. О́zderi páter jaldap turady” deıdi.

“Ápke, toıǵa kredıt alyp ne qylasyz? Eger ol aqsha toıǵa ketetin bolsa” dedim. Toı óz-ózin jabady dep oılaıdy adamdar. Biraq ol jerde qudalyq degen nárse bar. Kerek emes dúnıeler… Toı bitkennen keıin sol jastar kelgen adamdardyń barlyǵynyń toıyna qatysady. Bergen aqshasyn qaıtarady. Baspanaǵa aqsha jınaı almaıdy. Nege osy jastar bolyp toı degen nárseni doǵarý kerek degen osyndaı bir trend shyǵarmasqa? 

Ata-analarymyz da, úlken qarııalarymyz da aıtpaıdy. Mysaly, bolady ǵoı. Tátti shaıda eki ata-ana jolyǵyp, sıtýaııany qarap… Jaǵdaıy bolsa, maqul, toı istesin. Biraq jaǵdaıy joq bolsa, bir mámilege kelip, mysaly “Jastarǵa toı istemeı-aq, soǵan bastapqy jarna retinde Otbasy bankke salaıyq” dep aıtsa bolady. Toı degen bir-aq kúnde ótedi. Siz toımen eshkimdi tańǵaldyra almaısyz.  Kredıtke alynǵan nárseni sol toı ıesi qınalyp tólep júredi.  Sóıtip ol batpaq-quıryqtan eshqashan shyǵa almaıdy. Sondaǵysy bir-aq kún. Jep ketedi. Qazir ol toıǵa barǵysy keletin adamdar joq. Eshkim barǵysy kelmeıdi. Aqsha bergisi kelmeıdi. О́ıtkeni qazirgi zamanda bizdiń elimizde qazaqtardyń barlyǵy kredıtke batyp ketken. Toı degen nárseni qoıý kerek dep bizdiń Prezıdentimiz Qasym-Jomart Toqaevta: “Toı qýalaıtyn emes, oı qýalaıtyn kezeńmen betpe-bet keldik” dep aıtqan. Bizdiń kózqarasymyz basqasha ǵoı. О́zimiz qazirgi zamanaýı jastar bolyp toı degen nársege boıkot jasaý kerek”,- dedi jeli qoldanýshysy.