Boks Olımpıada oıyndarynan alynyp tastalýy múmkin

Los-Andjelestegi kelesi oıynda Olımpıadalyq sport túrleri tiziminen alynyp tastalýy múmkin. Bul týraly Halyqaralyq olımpıada komıtetiniń prezıdenti Tomas Bah málimdedi, dep habarlaıdy Skifnews.kz aqparat portaly.

«Múmkin kelesi jyly da qabyldanyp qalýy múmkin. Neǵurlym tezirek, tipti birinshi jartyjylyqta sheshim qabyldanǵanyn qalaımyz. Biraq odan erterek bolýy ekitalaı, – dedi Halyqaralyq olımpıada komıtetiniń prezıdenti.

360.ru dereginshe, mańyzdy sheshim 2025 jyly qabyldanady.

«Bul týraly aıtý áli erte, óıtkeni, HOK prezıdenti qyzmetinen ketetinin jarııalaǵan Tomas Bah mundaı sheshim qabyldansa, kelesi jyldyń ortasynda bolatynyn aıtty. Sondaı-aq bokstan halyqaralyq jarystar ótkizý úshin ulttyq uıymdardyń birigýi qajettigin basa aıtty», – dedi sport jýrnalısi Borıs Hodorovskıı.

Jýrnalıstiń pikirinshe, bokstyń taǵdyryn Olımpıada oıyndary aıasynda qarastyrǵanda, HOK pen reseılik Ýmar Kremlev basqaratyn Halyqaralyq boks qaýymdastyǵy (HBA) arasynda ashyq kıkiljiń jalǵasyp jatqanyn eskerý qajet. Búginge deıin taraptardyń tatýlasýy múmkin emes jaǵdaıǵa jetti.