Boksshylarymyz ben balýandarymyz jerge qaratyp boldy – Júrsin Erman

Foto: ashyq derekkóz

Aqyn, telejúrgizýshi Júrsin Erman daıarlyǵyna mıllıondaǵan qarjy bólinip, biraq nebári bir altyn medalmen oralǵan sportshylar jaıly oıyn aıtty, – dep habarlaıdy qandastar.kz 1bol.kz-ke silteme jasap.

Tanymal aqyn EL ARNA telearnasyna bergen suhbatynda Parıj olımpıadasyn basynan aıaǵyna deıin qarap, kóńili qulazyǵanyn jetkizdi.

«Basynan bastap jabylý saltanatyna deıin kórdim. Qazaqstannyń sportshylaryna sońǵy jaǵynda birdeńe jetispeı qalyp jatady. Sý sportyna deıin qaradym, taıana bergende jetpeı qalady. Jigerimizdi ábden qum qylyp bitti. Ne deımiz, baq solaı bop tur ma, bap solaı bop tur ma – bilmeımin. Áıtpese London olımpıadasynda jeti altyn alyp edik, onyń da dáýreni ótip ketipti. Boksshylarymyz da, balýandarymyz da ábden jerge qaratyp boldy. Afına olımpıadasynda da bitti-aý degende, Bahtııar Artaevtyń arqasynda jalǵyz altyndy áreń alyp edik. Oǵan da zar bolyp qaldyq. Eldos Smetov bolmasa, eldiń eńsesi tipten túsip ketýshi edi. Bizdiń sport kommentatorlary qyzyq, «anany alamyz, mynany alamyz» dep jeliktirip qoıady. Biraq sońynda eshteńe buıyrmaı qalady», – dedi Júrsin Erman.