«بولجامداردىڭ ءبارى قاتە»: شىمكەنت اكىمدىگى بەردەنوۆتىڭ وقيعاسىنا قاتىستى پىكىر ءبىلدىردى

فوتو: اشىق دەرەككوز

بەردەنوۆكە قاتىستى وقيعا تۋرالى ايتىلىپ جاتقان بارلىق پىكىر جالعان. بۇل تۋرالى شىمكەنت وڭىرلىك كوممۋنيكاتسيالار قىزمەتىندە قالا اكىمىنىڭ ورىنباسارى سارسەن قۇرانبەك ايتتى, دەپ جازادى qandastar.kz Sputnik-كە سىلتەمە جاساپ.

ء«دال وقيعا بولعان كەزدە ءبارىمىز جۇمىستا بولعانبىز. ابىروي بولعاندا پوليتسيا دا, جەدەل جاردەم دە دەر كەزىندە كەلدى. بەردەنوۆ اۋرۋحاناعا جەتكىزىلىپ, ۇزاق ۋاقىت وتا جاسالدى. ءبىز سول ءتۇنى ساعات 02:30-عا دەيىن اۋرۋحانادا بولدىق», — دەيدى سارسەن قۇرانبەك.

ايتۋىنشا, كۇدىكتىنىڭ بۇل ارەكەتكە نە ءۇشىن بارعانى بەلگىسىز.

«الەۋمەتتىك جەلىدە كۇدىكتىنىڭ نە ءۇشىن بارعانى تۋرالى ءارتۇرلى الىپ-قاشپا اقپارات تاراپ جاتىر. مۇنىڭ ءبارى شىندىققا جاناسپايدى. بۇل ءىستى قازىر پوليتسيا زەرتتەپ جاتىر, ءبىز وقيعا تۋرالى ەش اقپارات ايتا المايمىز», — دەدى قالا اكىمىنىڭ ورىنباسارى سارسەن قۇرانبەك.

ەسكە سالا كەتەيىك, 21 ساۋىردە ساعات 20:30-دا شىمكەنتتە ءدال اكىمدىك قاسىندا قالا اكىمىنىڭ ورىنباسارى رۋسلان بەردەنوۆتى اتىپ كەتتى. ونى كولىك جۇرگىزۋشىسى قۇتقارىپ قالعان.