«Bos maqtanýdy ǵana bilemiz». Prezıdent keńesshisi tanymal ziltemirshiniń kúzetshi bolyp júrgenine qynjyldy

Qara nar júk kótermes, bel ketken soń-dep qazaq beker aıtpaıdy. Almas baýyrym:”Qarnymnyń ashqanyna emes, qadirimniń qashqanyna qynjylam”- dep suhbatynda ábden aǵynan jarylypty.

Aıtqanynyń bári ras. О́kpesi oryndy balanyń. Memlekettiń týy, ózge elde, eki jaǵdaıda kóteriledi, alǵashqysy, Memleket basshysy barǵanda, sońǵysy sportshylarymyz jeńis tuǵyryna kóterilgende.

Almas qarapaıym kóp qaradomalaqtardyń biri emes. Qorjynǵa júlde salatyn álemniń dodalarynda, qazaqtyń kókbaıraǵyn kótergen, pil taban, apaıtós, taý kóterip, moınyna kúmis ilgen Tolaǵaıymyz-edi ǵoı…..

Sporttan ketken soń: “Itten ári, kisiden beri”- kúıi mynaý. Eń bolmasa zil temir kóteretin jas býynǵa aqylyn aıtyp, tájirbıesimen bólisýge jarar edi ǵoı. Ony qaperine alyp jatqan sport basshylyǵy joq. О́kinishti…..

Biz saǵym qýalap, bos maqtannyń sońynda ketkenimizge qansha jyldar boldy?… Júlde alsa júırigim-deımiz. Tabany taısa, bul taǵdyrdyń buıryǵy-dep tez umytamyz tý kótergen taý tulǵalarymyzdy…….

О́kinishtisi, búginde barlyq salada osy úrdis qaıtalanýda. Qyzmetten ketse, zeınetke shyqsa, tuǵyrynan taısa biz adam izdemeıtin boldyq. О́kpe jınalsa, áser etedi kópge-degen sózdiń de maǵynasyn umytpaıyq aǵaıyn…..,

Batyr Mahanbettiń:”Men bir almas qylyshpyn, qaıraýyn tappaı ketilgen. Qaırasa qaıta jetilgen”- degen sóziniń astarynda máni bar aǵaıyn.

Qaıraýyn tappaı ketilgen, qanshama Almas qylyshtaı azamattaryń júr ortańda. Qaırasań qaıta jetilmeı me?

Jaýǵa salar jaýjúrekterdiń basyn bitpes daýǵa salyp qoıdyq. Jeldiń ótinde, eldiń shetinde jylqy baǵatyn jigerli jigitterge, qoı emes, qozy baqqyzǵanymyzda qorlyq emes pe? Olarǵa…..

“Qum jyıylyp tas bolmas. Qul jyıylyp bas bolmas”- degen. Ásheıinde aýyz jappaı, búıte bersek, jaý kelgende adam tappaı júrmeıik… – dep jazdy.